1
Pasian a minthang hen, na lianpi bawl hi.
Leitung a it manin, A ta hong pia hi;
Mawhna seelna dingin A hinna paai a,
Mi khempeuh lut nading hinna kong hong ta.

Sakkik
Phat ve un! Phat ve un! Leitung teng kizel hen!
Phat ve un! Phat ve un!
Mi khempeuh lungdam hen.
Jesuh’ min suangin a Pa kiang va zuan un;
A bawlsa na lianpi hangin phat ciat un.

2
A si in hong leizo, tatna kicing khin,
A umte a dingin, Pasian in ciam khin;
Mimawh pen nangawn in Jesuh a up leh,
A mawhna mai ding hi, a up khit phet teh.

3
Na lianpi hong bawlsak in, ei hong hilh a,
Tapa Jesuh hangin, i lungdam lua ta;
A mai i muh ciangin nuam zaw lai ding hi.
Sangzaw, siangzaw, lianzaw, lungdamzaw ding hi.

1
Itna kumpi kei hong Cingpa,
Amah’n hong huh lah ngei lo;
A mi suak leng deihna cingta,
Amah kei aa hi den.

2
Nuntakna tui luanna mun-ah,
Tatsa kei hong paipih hi;
Kei hong pi hi, lonona-ah,
Vantung an in hong vaak hi.

3
Topa’n hong ompih tawntung-a,
Sihna ka kihta kei hi;
A ciangkhut in lung muan sak-a,
Singlamteh in hong pi hi.

4
Ka khantawnin ka nuntak sung,
Kei nong cing khial ngei kei hi;
Tuucing pha aw, Na innpi sung,
Phatna la kong sa ding hi.

1
Vang lian zahtak-huai Kumpipa bia un,
Lamdang hong itna, lungdamin sa un;
A hong liah, hong kem, hong uk tawntung Mangpa,
Vang-liatna tawh kidim phat huai Topa hi.

2
Nong kep nong huaina kigen zo lo-a,
Huih bang hong nung a, Khuavak bang tang ta,
Mualtung pan hong luang in, zang lei teng zel hi,
Daitui bang hong kia-in, guah bang hong zu hi.

3
Leivui tawh kibawl thanem mite in,
Nang kong muang uh hi, Nong huh den man in;
Nong hehpihna nuam in a tawntung kip hi,
Hong bawl, hong keem, hong tan, Lawmpha bel Na hi.

4
Kote Pa Pasian nong itna lian a,
Van-mite’n Nang mah hong phatna la sa;
Leitung mite in thanem mite hi ung,
Hih hang lungsim tak tawh Nang kong phat uh hi.

1
Pasian’ mite in Amin thangsak un,
Gamlapi dongin, Amin tangko un;
Gual zo minthang pen Pa, Jesuh phat-huai hi,
Ama gam minthang a, Mun khempeuh uk hi.

2
Van pan hong Ukpa, Hong hon zopa hi,
Gamlapi dongin, Amin tangko un;
Gual zo minthang pen Pa, Jesuh phat-huai hi,
Ama gam minthang a, Jesuh hi, thei un.

3
Pasian hong Honpa, Kumpi in mang den,
Mi khempeuh awng hen, Topa pahtawi hen;
To Jesuh min phat in, Van mi’n tangko hi,
A lu uh kun suk in, Tuuno bia uh hi.

4
Va bia ni, ei’n zong Biak mah ding hi a,
Minthanna teng zong Ama a’ hita;
Van mite tawh kopin, Amah bia khawm ni,
Lungdam ko tawntungin, Amah it den ni.

1
Lungsim khut le kam tawh, Pasian tung i lungdam hi,
A bawl lamdangte tawh, Leitung khempeuh lungdam.
Nute’ ang pan kipan, Tuni ciang dong takin,
Kigen theilo itna’n, Hong keem thupha bel hi.

2
Hong cing, migi Pasian, I khan tawntung hong nai hen,
Lungdam lungnopna siang, Hong ompih sak tawntung hen.
Lungman laitak inah, Lam man hong tawnsak ding,
Lei pan vantung dongah, A sia hong peel sak ding.

3
Pa Pasian le Tapa, A hong ompih kha Siangtho,
Tun phatna lungdamna, van sang bel-ah i puak to.
Lei le van in tawntung, Biakna a pia uh hi.
Tuma, tulai, tunung, Amah bek Pasian hi.

1
Hong hon Topa tungah a taang, A lian mahmah tawntung a vang;
Phat ding kah to thei leng, Vantung gawsemte tum khawmin;
A lamdang late sasa in, Gabriel dem nuam veng, Gabribel dem nuam veng

2
Mawhna pan hong tatkhiat na’ng in, Jesuh’n Asi pha hong bua khin;
Nuamna la ka sa ding, A dikna la’n sa nuam sing maw;
Vantung kizepna kicing tawh,
Ni bang ka tang den ding, Ni bang ka tang den ding.

3
Vanglian tokhom tungah tu a, Itna mel pua in a omna;
La in sa sa nuam ing, A liatna leh a hoih manin;
‘Angaih mahmah late sa in,
Thangsak tawntung nuam ing Thangsak tawntung nuam ing’.

4
Lungnop ni hong tun tak ciang, Topa’n hong ciah pih ding a kiang;
Ama mai ka mu ding, Hong hehpihna gualzawhna tawh;
Hong honpa Jesuh ka lawm tawh;
Nuamsa khawm tawntung ning, Nuamsa khawm tawntung nuam ning.

1
Hong hon Topa tungah a taang, A lian mahmah tawntung a vang;
Phat ding kah to thei leng, Vantung gawsemte tum khawmin;
A lamdang late sasa in, Gabriel dem nuam veng, Gabribel dem nuam veng

2
Mawhna pan hong tatkhiat na’ng in, Jesuh’n Asi pha hong bua khin;
Nuamna la ka sa ding, A dikna la’n sa nuam sing maw;
Vantung kizepna kicing tawh,
Ni bang ka tang den ding, Ni bang ka tang den ding.

3
Vanglian tokhom tungah tu a, Itna mel pua in a omna;
La in sa sa nuam ing, A liatna leh a hoih manin;
‘Angaih mahmah late sa in,
Thangsak tawntung nuam ing Thangsak tawntung nuam ing’.

4
Lungnop ni hong tun tak ciang, Topa’n hong ciah pih ding a kiang;
Ama mai ka mu ding, Hong hehpihna gualzawhna tawh;
Hong honpa Jesuh ka lawm tawh;
Nuamsa khawm tawntung ning, Nuamsa khawm tawntung nuam ning.

1
Hong gum Topa hong it lamdang,
Lungdam sindam la ka sa;
Kiciamna hong pel sak nuam hi,
Singlamteh tung si zo ta.

Sakkik
Topa phat (na sak ding la) na sak ding la pha (ding la pha),
Asipha (tawh hong sawp hi)
tawh hong sawp hi (tawh hong sawp hi)
Singlamteh tung sihna thuak a,
Ka mawh hong phel sakzo hi.

2
Vantung inn nuampi luah nading,
A lamdang thupha gen hi;
Hong hehpih hong it luat manin,
Ka mawh hong phel sak zo hi.

3
Hong gum Topa A min thang hi,
Nisim la sa in phat ning;
Sih ciang mawh tanna meikuang sung,
Hong tung sak nuamlo ding hi.

4
Hong gum Pa le A hong itna,
La-in ka sasa ding hi;
Sihna pan hong suak ta sak a,
Amah tawh ka om ding hi.

1
Hong pai in, thupha namkim Nak,
Ka lungsim hong puahsak in
Kang ngei lo nong hehpihna Nak
Nakpi’n hong phat thei sak in
Vantung mite phatna la ngaih
Kei zong hong sa thei nuam ing
Nong itna tung kip ka lungngaih
Tua itna mual ka phat ding.

2
Nong huhna tawh hih ciang kong tung
Huhna mualsuang hiah phut ing
Nong deihsakna hang in tunung
Lung muang in inn hong tung ing
Lamkhial a Pasian ka nusia
A hih hang Jesuh’n hong zong
A si manpha tawh hong tan khia
Gimna lauhuai pan hong hon.

3
A nisimin hong hehpihna
A tampi hong basak den
Na hehpihna’n hong khih in la
Na kiang pan hong pialsak ken
Topa kong vak san dekzel hi
Ka it Pasian hong kem in
Hiah ka lungsim nang sung sel ni
Nang aa ding na ciamteh in.

1
Leitung mihingte aw en un, dahna thuak Jesuh ahi;
A gal khempeuhte zosak a, vantung mite phatsak hi

Sakkik
Kumpi lukhu, kumpi lukhu, Topa Jesuh khusak un!
Kumpi lukhu, kumpi lukhu, Topa Jesuh khusak un!

2
Vantung a misiang khempeuh in, Topa Jesuh min phat hi
Thukhen tokhom tung tusak a, vantung mite phatsak hi

3
Mi gilote’n ling tawh kigan, lukhu Jesuh khusak hi;
Mi siangtho le vantung mite’n, tu’n Jesuh a minphat hi

4
Ama min phatin kiko ni, gal zawh pawikhamna ngai un
Topa Jesuh in man ngah hi, lungdam huai bel hi, en un.

1
Topa lian hi na khempeuh ukpa hi
Khanglo ve ni, lasa ve ni.
A khebul ah kun in, Amah bia ni.
I Kumpipa pahtawi ni.

Sakkik
No tatkhiat sate in,
Ki-itna khangsak in.
Dawn un minthangpa
Dawn un thahat pa.
A na lamdang bawlte
Gen un minthan nate,
I Kumpipa pahtawi ni.

2
Topa lian hi a gen bangbang piang hi.
Khanglo ve ni, lasa ve ni.
Phatna ukna hatna Ama aa hi.
I Kumpipa pahtawi ni.

3
Topa lian hi lungdamtak zuan ve ni.
Khanglo ve ni, lasa ve ni
Minam khempeuh in zong lungdam pih hi.
I Kumpipa pahtawi ni.

4
Topa lian hi amin siangtho hi.
Khanglo ve ni, lasa ve ni.
Leimi vanmi a sep lamdang phat ni.
I Kumpipa pahtawi ni.

1
Siangtho, Siangtho, Siangtho!
A lian pen To Pasian!
Zingsang tuungin, phatna la kong sak to ding uh hi
Siangtho, Siangtho, Siangtho! Hehpih thei a vang lian
Thum kigawmna Siangtho thupha Pasian!

2
Siangtho, Siangtho, Siangtho!
Khuamial hong liah hangin
Mawhna mit in Na vaanglian hong mu thei lo hang in
Nangmah bek na Siangtho, Kuamah’n hong ban zolo
Na vaang liatna, Itna le sian’ thona

3
Siangtho, Siangtho, Siangtho! Alian pen To Pasian!
Leitung, tuitung, vantungah Na min kiphat ding hi
Siangtho, Siangtho, Siangtho! Hehpih thei a vaanglian!
Thum kigawmna Siangtho thupha Pasian!

1
Ngai in, ka kha aw, vantung mi la sakna,
Leitung lungdam tuipi tung zong thang hi;
La pha sakna a aw zak nop huai bel hi,
Hing kikhel mawh kiphelna thu gen hi.

Sakkik
Thuciamna cing kham vantung mihingte in
A aw zaknop huai-in lasa uh hi;
Nitak kap a, zingsang ciang lungdamsak hi,
Sawtvei khuamial itna khuavak sak hi.

2
La aw zak ciang mailam nawtin i pai hi,
Lungkham a gimte aw hong pai un ci;
Khuamial sungah Topa Jesuh kiko hi,
Vantung inn lam hilhna thupha aw hi.

3
Gamlapi ah nitak siklong ging bangin,
Leitung, tui tung ah Jesuh’ aw ging hi;
Tul then tham lo, a vanlel mi tampite,
Tuucing Topa aw Na kiang hong pai hi.

4
Tu laitak i lungkham a sawt hang in-ah,
Khuamial kheng leng nuam na'ng khuavak ding hi;
A gimte zuihna lam a bei ciangin ah,
Kha Siangtho maang ding khamgam tung ding hi.

1
Etlawm tak le siangtho takin Topa bia in,
Amai ah kunin Amin thangsak ni;
A thu mangin kiniamkhiatna tawh va bia in,
Amah phat ni, Ama min Topa hi.

2
A khe phungah na lungkhamnate va nga in,
Amah’n nang tangin hong puaksak ding hi;
Na thumna hong dawngin nang hong lungnuamsak in,
Ahoih penin hong vaihawmsak ding hi.

3
Na neihsa piak tawm lua, ci-in kisuang ken la,
A tokhom zuat ding lau ngaihsut kei in;
A etlawm thumanna le a siangtho itna,
Ama tau ah biakpiakna cing hikhin

4
Lau kawm, liing kawmin tuate i va puak ciangin,
Lungkim takin Topa’n hong sang ding hi;
Dahna, kahnate khempeuh lungdamna suakin,
Launa teng zong lawpna, muanna suak hi.

1
Kumpi lukhu, Jesuh khu sak un,
Khang tawntungin Ama minphat un;
Amin thanna lian hong pahtawi un,
Tu leh atawntungin.

Sakkik
Kumpi lukhu, kumpi lukhu
Minthanna gamah khusak ding hi;
Lukhu, Kumpi lukhu
Khusak in phat den ni.

2
Phatun, phatun, van mihonpi aw,
A tokhom zuan un, phatna la tawh,
Phat un, phatun, leimi khempeuh aw,
Kumpite kumpipa.

3
Gualzo pa hi, Mawhna zo pa hi;
Ama kha i lungsim uksak ni.
Amin tawh ei zong i zo ding hi.
Tu leh a tawntungin.

1
Topa aw Nangma’ thupha tawh
Dimin hong ki khensak in
Nangma itna bang neih na tawh
Hehpih na hongphat sak in
Tha hong guan aw, tha hong guan aw,
Hih gammang sung zin lai in.

2
Nangma lungdamna thu hangin ah
Nang kong phat uh Topa aw
Ko’ lungsung le gamtat na ah
Na hotna gah langh leh maw
Nang thuman ah, Nang thuman ah,
Hong kip tawntung le ung maw.

3
Leitung panin Nong sappeuh ciang
Sihna kihta hetlo in
Vantung mite’n hong lenpih ciang
Hong mang ning lungdam tak In
Tawntung na kiang, tawntung na kiang
Nangmah tawh hong maang sak in.

1
Topa tung thupha ngen dingin i kikhawm a,
Ama deihna i theih nangin hong hilh hi;
Dawi nencipna pan suakta-in i lung nuamta,
Phat un, Topa’n a mite mangngilh lo hi.

2
Topa in a gam a kipsak a puah dingin,
Eite hong sawl hong koppih hong makaih hi;
Tua manin gal i zo, i kipatcil panin,
Minthannate khempeuh Topa a ding hi.

3
Galzo makaipa aw, Na min kong phat uh a,
Hong makaih lai in ci-in kong thuum uh hi;
Bawlsiatna pan Na mite suakta sak inla,
Hong kiphat den tahen hong Honpa Na hi.

1
Nazareth mi Jesuh mai-ah lamdangsa-in ka ding hi;
Mawh nei niin bang kinawlkhin sa,
Ke nangawn a hong it hi.

Sakkik
Lamdang lua e! (Aw lamdang lua e!),
Pian dang lua e! (Aw pian dang lua e!)
Ka sak ding ka sak ding la; (Ka sak ding ka sak ding la)
Lamdang lua e (Aw lamdang lua e!),
Pian dang lua e! (Aw pian dang lua e!)
Ka Honpa’n kei hong itna (Ka Honpa’n kei hong itna).

2
Huan sungah thu hong ngetsak in,
“Nang deih bang hizaw hen” ci;
Ama adingin, luang lo-in
Kei hang khua-ul, si luang hi.

3
Van mite’n hehpih huaisa in,
Khuavak gam pan en uh hi;
Dahna hong thuaksak tua zanin,
Kei nem ding hong paisuk hi.

4
Ka mawh ka dahna teng la-in,
Ama tungah kisuan hi;
Kalvary ah tua van pua-in,
Amah bek in sihlawh hi.

5
Tatsate tawh minthang ding a,
Ama maitang ka mu ding;
Hong itna la ka sa dinga,
Khang tawngtung ka lungdam ding

1
Topa phat un, na khempeuh a piangsak i Kumpipa,
Ke’n ka phat ding ka nuntakna hong hon, hong damsak pa;
Tua thu zate’n A biakinn lam hong zuan un,
Lungdam biakpiakna hong pawm un.

2
Topa phat un, na khempeuh lamdang a hong uk Mangpa,
A khut nuai-ah keimah hong kem, hong liah a, hong vak pa;
Ka theizo hi, Topa vaihawmna bangin,
Ka deihna khempeuh hong pia khin.

3
Topa phat un, keimah hong kem, ka ma hong vangsak pa,
Ama hoihna hehpihna tawh nisim a hong keempa;
Hong itna tawh, kei bang lel lawmin hong nei,
Kei ading hihlah nei ngei kei.

1
Lungsim siansuah leng, Topa biakinnpi hi a,
Hong ompihna i thei hi;
Ama min suangin kikhawm leng nuam mahmah a,
Siangtho thunget hun nuam hi.

Sakkik
A umte khempeuh ading Amah manpha,
A sangte khempeuh ading Amah manpha,
Topa’ min a kikhop ciang,
Genkhia ni Ama thupha,
I thungetna hong dawng ding.

2
Ama min thanna khuavakpi hong tang suk hi,
I lam-etna a neu ciang;
A tate ngah ding itna lian tampi om hi,
Amah tawh i tonkhop ciang

3
Hong paipihna peuh zui leng Amah’n hong paakta,
I lung sung nopna dim hi;
I kimkot tengah tawntung khut in hong huai a,
I upna tawh i thei hi.

4
Kumpi inn sungah lungnop tawntungna munah
Lungdamna khutbet ma teng;
Thutak thei tel in khangcing ni hehpihna ah,
Nopna kicing luah khawm leng.

1
Phatna thungetna hun nuam hi, Pasian i biakkhop ciang;
Ama kiangah lengto ding hi, Nuamna la i sak ciang.
Kamciam manpha hong kipiata, I telsiang semsem ding;
Lei-ah lawmte tawh kikhen hang, Van-ah kimu kik ding.

Sakkik
Ni tawp ni ciang eite khempeuh
Van-ah i kimu ding;
Jesuh’ sipha i upna hang,
Vanah kimu kik ding.

2
Eite lungsim hong kihualsak, Itna siangtho hi-a;
Pasian Topa Khris min hangin, Eite i kikhawmta.
Kikhenna hun hong tun baih hang, A thuciam kip hi;
“Eite lam-etna vantungah, Kimukik ding” hong ci.

3
A gim, atawl i khete in, Khamgam sik baih ding hi;
I it i lawmte hong ngakna, tua kham gam nuam sung hi.
Kum kivei lo tom kal sungin, Huihpi tuihual ven ciang;
Tawntung lungdamna la sa ding, van ah i kimuh ciang.

1
Ei lung hong khihna ding
Jesuh itna pha hi, Lung kituakna in
Vantung khua Kituakna bang om hi

2
Ei Pa tokhom mai ah
Nakpi thu i ngen hi
Ei lawpna upna deihna teng
A kibang in om hi

3
Eite’n dahna thuak khawm
Van puak na kipua hi
Khat veivei i lawmte aa ding
Khitui a luang thei hi

4
Eite kikhen ciang in
Lungsim dahna piang hi
Hih bang i lungsim tawh om khawm
Nung ciang kimu ding hi.

1
Zingni suak sensanta, Ka lungsim khanglo ta;
Jesuh Khris phat huai hi! Nasem ding, thungen ding,
Jesuh kiang va zuan ning; Jesuh Khris phat huai hi!

2
Lungsung dahna om hiam, Hih ah ka dahna kiam;
Jesuh Khris phat huai hi! Leitung nuamna bei leh,
Hehnepna om veve; Jesuh Khris phat huai hi!

3
Vantung lungdamna ah, la a ngaih pen hih mah;
Jesuh Khris phat huai hi! Khuamial vangte’n kihta,
A zak uh ciang hih la; Jesuh Khris phat huai hi!

4
Leitung ka hin lai teng, Sa ning ka sih mateng;
Jesuh Khris phat huai hi! Sih ciang vantung tung leng,
Ka la hih mah hi ding hi; Jesuh Khris phat huai hi!

1
Pasian in hong kem ding patau kei in,
Ni tang ni liap sung ah nang hong kemin,
Ami te hong cing hong kem gige hi,
Nang mah bek hong nu sia ngei lo ding hi

SAKKIK
Pasian in hong kem ding a tawp dong in,
Lamdang pa le lawm hoih pen hon pa hi,
Na sap sim in Jesuh hong dawng ding hi
Na khempeuh ah muang in hong kem ding hi.

2
Pasian in hong kem ding a tawntungin,
Lampi hong hilh hi na kalsuan simin,
Hong cing hong kem hong makah
Topa hi, tuidam luan na mun ah hong kha ding hi.

3
Pasian in hong kem dingnuntak hun sung,
Kuamah neih loh thupha hong pia tawn tung
Hun bei ciang zong nang hong kem lai ding hi
Lungnuam takin a gam hong tun ding hi.

1
Lam hong hilh in tung Pasian aw,
Keu gaw gam khualzin lai-in
Ka thanem hang, Nang Na thahat,
Na khut tawh hong len den in
Van khomun aw, Van khomun aw,
Ka kham mateng hong vak aw,
Ka kham mateng hong vak aw.

2
Damna tui a hong luan khiatna,
Limlang tuinak hong hon in;
Sunin meikhuam zanin meikhuam,
Lam tawntung hong khasak in
Hong Honpa aw, Hong Honpa aw,
Ka lum ka tei hong hi aw,
Ka lum ka tei hong hi aw.

3
Jordan gun gei ka din ciangin,
Patauh launa beisak in;
Tuihualpi hong kantanpih in,
Kanaan gam hong lutpih in.
Phatna late, phatna late,
Kong sak tawntung ding uh hi,
Kong sak tawntung ding uh hi.

4
Lungkham dahna le lungzinna,
Launa zumna teng beita;
Honpa’ makaihna muang peuh leng,
Lungkhamna khempeuh beita.
Phatna late, phatna late,
Kong sak tawntung ding uh hi.
Kong sak tawntung ding uh hi.

1
Nangmah tawh Pasian omkhawm tahen!
A hongpi, a hong len dingin;
A tuute hong kembit dingin,
Nangmah tawh Pasian omkhawm tahen!

Sakkik
I kimuhkik mateng, Jesuh kiang kimuh mateng,
I kimuhkik mateng,
Nangmah tawh Pasian omkhawm tahen!

2
Nangmah tawh Pasian omkhawm tahen!
A khanuai hong liah hong dal in;
Nisim “Manna” hong vak dingin,
Nangmah tawh Pasian omkhawm tahen!

3
Nangmah tawh Pasian omkhawm tahen!
Launa’n hong lung-am sak ciangin,
Ang sung hong pom bikbek dingin,
Nangmah tawh Pasian omkhawm tahen!

4
Nangmah tawh Pasian omkhawm tahen!
Itna nuai-ah hong cing dingin;
Sihna tuihual sat paai dingin,
Nangmah tawh Pasian omkhawm tahen!

1
Kei tawh om khawm in, ni a tum zo a,
Khua mial sem sem in kei kiangah omta;
Hong gum ding a dang omlo laitak in,
Hong gum Topa awkei kiangah om in.

2
Leitung nuntakna manlang in bei thei,
Leitungah nuamna om tawntung thei kei;
Leitung ah siatna ngen tang ka mu ta,
Kei tawh om khawm in sia thei kei Topa.

3
Kei tawh om khawm, Keima tha a pha kei,
Nang mah bek in ze-etna na zo thei;
Nangmah bangin kua’n hong paipih thei maw?
Lungdam loh laitak kei tawh omkhawm aw.

4
Thupha na hong piak leh Kei ka lau lo,
Dahna khi tui’n zong hong siasak zolo
Sihna le han in hong zo thei lo pi,
Kei tawh nong om khop leh ka zo ding hi

5
Ka sih ma in, Na maipha hong lak in,
Khuamial vaak sak in van lam hong lak in;
Lei tung khuamial bei van khua hong vak ta,
Si leng, hing leng Hong ompih in Topa.

1
Ngak ngiungeu ing, lungkia lo-in,
Meilum kaite a then dong;
Ngak ngiungeu ing, lungkia lo-in
Sun nitang lai a liap dong;
Ni khat a bang khang khat hun pan,
Lungkham khuamial ven mateng;
Nunna khuavak tang kiukiau-in,
Van aksite suah mateng.

2
An late in an sang khawmin, sunkhum khit dong ka ngak hi;
Khua khal beiin hun kikhelta,
Phalbi huih dam nungta hi;
An late aw, khawm mengmeng un
Ka nuntak hun cing khinta;
Nuntakna pakpalh vul khinzo,
Ka nuntak hun beibei ta.

3
Vantung mite’n tua kep kongpi,
Ahon ding hun ka ngak hi;
Lung kia, thanem, zawngkhal kei mah’n,
Tua kongpi ah ka ngak hi;
Gamlapi ah, amau’ aw ging,
A kheging tu’n kiza ta;
Hong sap ding bek ke’n ka ngak hi,
A nungzui ding ka hita.

4
Ka muh ngeite sang a tangzaw,
Tenna’ng mun nuam ngak lah veng;
Nunna singkung pakzihziah a,
Niim dildial hi, mualkuam teng;
Ka Honpa in hong sangkik ding,
Tatna cing ngak ngiungeu ing;
Mawhna siat suah nuntakna le,
Dahna natna veng khin ding.

1
Tung sunni hong tumta a, tawlngakna hong tunga;
Zan aksi hong suah lai-in,
Thangvan paak bang palh lai-in, Pasian bia ni.

Sakkik
Siangtho, siangtho, siangtho, Topa Pasian;
Leitung vantungah Na vang,
Nangma phatna hong kilang, Sang bel Pasian

2
Nuntakna teng a ukpa, van nuai teng Nangma omna;
Nangma mai hong zong kote,
Na angsungah hong khawm ve, kinai takin.

3
Khua hong mial semsem hangin, a tang aksite khengin;
Ko lungsim hong kahto hi,
Nang mai kong mu nuam uh hi, Van nuai Itpa.

4
Aksite le zan le sun, mu ngei nawnlo ding a hun;
Hong tun ciang vantung panin,
Tawntung zing khuavak sakta’n, kote’ mai-ah.

1
Buaina haksatna, i tuah ciangin ah,
Bang hang hizahta ke’n thuakse a;
Ka kiim ka paam a, misiate in lah,
Bangmah thuakse lo, lamdang ka sa.

Sakkik
Nung ciang a vekpi’n i thei nading hi,
Nung ciang a hang i telna ding hi;
Na lung nuamsak in, nitang sung om in,
Nung ciang a vekpi’n i tel ding hi.

2
It le ngaihte tawh sihna’n hong khen ciang,
I inn sung hawmin i lung zuang a;
A gilo mite, a dau a pai ciang,
Bang hang tua ci hiam? lamdang i sa.

3
Sih dong thuman in, Topa in hong ci,
Tawl khat sung ngak in, thuak lai leteh;
Na gim na tawlna, gentham lo ding hi,
Et lawm kongpi sung na luttak teh.

4
Min thannapi tawh vantung inn panin,
Jesuh hong kumsuk i mu ding hi,
A tang inpi sung i omkhop ciangin,
Telloh khempeuh i telta ding hi.

1
Ka lampi lauhuai ciang, Hong nai in keima kiang,
Ka sih dek laitak Topa;
Ka thuumna hong ngai aw, ka puk ding hong len aw,
Innpi ah hong kha in maw, Topa.

Sakkik
Hong phong in, hong len aw, hong kai in, Topa aw,
Kei ka gim, kei ka tawl, kei ka bah;
Huihpi in hong nuai hang, khuavak ah hong pi in
Innpi ah hong kha in maw, Topa.

2
Sunni hong tumta hi, khua hong mui semsem hi,
Zan khuamial in hong tuamta;
Gun gei-ah ka dingkhin, hong len in, hong pi in,
Innpi ah hong kha in maw, Topa.

3
Khualzin hun bei dek hi, Topa nong pi ding hi,
Kei hong hatsak in Topa;
Nang aa ka hi khinzo, kei kia bek hi nawnlo,
Innpi ah hong kha in maw, Topa.

1
Vannuai Topa vantung a maang,
Ni, kha, aksi pan Na vang taang;
Na khempeuhte’ bulpi Na hi,
Hong itte tawh Na kinai hi.

2
Nuntakna Ni, khuavak Na hi,
Khuamial hunin Nang nong taang hi;
Lam-et aksi’n hong lung nuamsak,
Zan vil hun sawt ngakzo tuamsak.

3
Nong mai gum ciang, zankhua mial bang,
Nong maitai ciang, zinkhuavak bang;
Sakhi tuihup hehpihna lim,
Mawhna simloh Nang aa hi kim.

4
A hing tanga hong kipia teng,
Khuavak sungah kigawm mateng;
Thuman hong pia’n hong khah dingin,
Hong tawh kuang in, Nang a dingin.

1
Topa aw, ko ihmut ma-in, nitak thupha hong pia in;
Mawhna le kisapna ko nei,
Nong hon thei, nong damsak thei.

2
Siatna in hong kimkot hangin,
thaltang tawh hong kap hangin;
Na vantung mite’n hong cing hi,
Nong nai ciang ka lau kei hi.

3
Zan khua a hong mial phat hangin,
Nang hong liah lo, khua mial in
Na mite omna khempeuh ah,
Nang gim ngeilo hong Cingpa.

4
Zan ciangin ko lupna tungah,
Ka si pakkha zong unah;
A vul ngeilo pakpalh bangin,
Vanah zingsang khanglo nung.

1
Tanglai a Israel mite, salin a om laitak;
Pasian in lak, A hatna tawh,
Tuipi luanglai khawlsak.

Sakkik
Tuipi luanglai khawlsak, Tuipi luanglai khawlsak;
Jesuh tawh om peuh leng, bangmah kihtak nei keng,
Tuipi luanglai khawlsak.

2
Mawhna tui hual in hong tuum a,
Khemna’n hong zol laitak;
Topa in hong lungmuangsak a,
Tuipi luanglai khawlsak.

3
Lungkiatna le launate in, ka lampi hong mialsak;
Kei hong kem hi, A itna in,
Tuipi luanglai khawlsak.

4
Topa aw, ka hun beikuan a, Na gam kong zuat laitak;
Na khut in kei hong len inla,
Tuipi luanglai khawlsak.

1
Tu-in sunni tum diaidiai, ka mit khua hong mui hiaihiai;
Lungsim pumpi tawlnga ning,
Topa tawh omkhawm nuam ing.

2
Ka sung, ka pua Na mu khin, hong maisak in a vekpi’n;
Kilanga ka khialhna le, simtham a ka mawhnate.

3
Kei ading a sawt lo-in, sun khuavak hong bei ciangin;
Mawhna dahna peng inah, Hong la in, Nangma kiangah.

4
Nang na neih loh hang mawhna, na thei ka ginatlohna,
Tua hi-a, To Jesuh aw,
Hong hehpih in hong en aw.

1
Minthang Kumpi phat un, Amah bek Psian,
Na lamdang lian hong lahkhiat manin phat ni;
Zan a meikhuam tawh lam hong makaih Pasian,
Sun a meiikhuam tawh hong pi Pasian phat ni.

Sakkik
Vantung mite’n phat un, Kham gawmsem tumin;
A mite’n zong kunin, A mai-ah bia un;
A gam lianpi sungah, Kum tawn, khang tawnin,
A bawlsate’n phat un, A bawlsate’n phat un,
Abawlsate’n phat un, ke’n zong ka phat ding.

2
Khawnkhong tatna hong pia, phat ni, i Pasian,
Sapna teng hong luanna tuinak hi, phat ni;
Phat ni hong it hong kem, a migi Pasian,
I thungetnate hong dawng Pasian phat ni.

3
Eite hong it mana, hong ze-et Pasian,
Amah tawh hong kinaizaw sak Pasian phat ni;
Upna, lawpna hang gualzo sak Pasian,
It le ngaih teng tawh hong gawm Pasian phat ni.

1
Hong gum Topa ni taang bang hi,
Ama kiang khuamial ngeilo hi;
Topa aw, Na mai kong muh na’ng,
Meiilum kaite na thengsak in.

2
Topa ka lungkham ciang inah,
Mit gui-in a kham luat lai-ah;
Topa aw, Nanngma ang sungah,
Ka tawl ka hong damsak nuamta.

3
Topa aw, Nang nong om kei leh,
Sih ding ka kihta keimah in;
Keimah tawh a om khawm dingin,
Nisimin Topa hong pai hi.

4
Tu lai-a Na thu hong sel a,
Thupha bel hong nialte in-ah;
Nung ciangin a khialh loh na’ngin,
Lam a khialte na hehpih in.

5
Leitung sihna ka tuah ma un,
Thupha hong pia’n ka phawk lai un;
Tuipi bang thuk Na itna sung,
Hong tunpih in, Na van inn sung.

6
Nitak a a thum a taute,
Cidam lo a, a zawngkhalte;
Na thupha kong na hon’ inla,
A lung na damsak in, Topa.

1
Ngai un, sapna aw in, tuni’n kua kuan ding;
Ka thu hong nial loin, kua’n ka nasem ding?
Kua’n ka dialkhai tawi ding, kua’n galdo ding hiam?
Thuman Pasian ading, kua teng kuan ding hiam?

Sakkik
Jesuh’n dialkhai nuai-ah, galdo makaih hi;
Hih leitung gal khempeuh, thuman tawh zo hi.

2
Pasian’ hotna muang in, gal i zawh mateng;
Satan zawh nadingin, galvan hoihte keng;
A siangtho tupna ah, thumanin ding ni;
Pasian’ adingin ah, khut le khe zang ni.

3
Galkap honpite in, pai kawmin lasa;
Phat ni Kumpipa min, eite makaipa;
I tup lian kibang hi, a nai a gamla,
I awging kiza hi, kuanin mainawt un.

1
Belshazzar in a gam sung, mi lian tulkhat kaikhawm hi,
A siangtho kham haite la-in, zu dawnna-in zang uh hi;
Kumpipa’ innpi sungah, a gualnop laitak unah,
“Oi leh bangcih na ahi tam?” en vaw, khut khat kawm tungah!

Sakkik
Pasian’ khut in gelh, kawm tungah!
Pasian’ khut in gelh kawm tungah!
“Tawi cing kei teh” hong ci kha diam?”
“Cing mah teh” hong cizaw diam?
Hia khut in gelh lai hi, kawm tungah!

2
Daniel zong hangsan takin, mipi mai-ah hong ding hi,
Kiphasak kumpipa taai-in, a khialhnate pulak hi;
“Na vekpi un thuak nuteh” ci-in kigelh hi, lai sungah,
“Na kumpi gam a bei hita” ci-in kigelh hi, kawm tungah!

3
Daniel in upna tak tawh, thuman gen ngam, sem ngam hi,
Kha Siangtho piak hi, tua thusim, Amah hatsak, theisak hi;
Judea gam a inn sung leh, a saltaanna inn sungah,
Amah in a khiatna thei khin, Pasian’ laigelh kawm tungah!

4
Eite gamtatnate zong, ciamtehin kigelhgelh hi,
Jesuh hong sawl bangbang mangin, Ama kiang va zuan meng ni;
Thukhenni hong naizo hi, hong tung ding miteng tungah,
Mawh neite’ thuak ding gimna lian, hong kigelh ding, kawm tungah!

1
Honpa aw, kei hong pi in,
Tuihual hong nawk laitak in;
Nuntakna tuihual tungah,
A lauhuai sungpi lakah
Lam hong hilh in Topa aw,
Hong pi aw, kei hong pi aw.

2
Nu in nau a khim bangin,
Tuipi lauhuai daisak in;
Tuihual in na thu mang hi
Dai un na cih ciang dai hi;
Huihpi tuipi Ukpa aw,
Hong pi aw, kei hong pi aw.

3
Gungal ka tun ding ciangin,
Tuihual hong lauhuai ciangin;
Na ang sung hong beelsak aw,
Lungmuang tak hong omsak aw;
Lau kei in! Nang hong pi ning
Nong cihna aw za nuam ing.

1
Kulhpi muan huai Pasian hi a, sia theilo kidalna hi;
Tui khang bang gimna ah bia a, sihna ding pan hong hon hi,
Tang lai a i galpa’n i gimna ding zong saan;
Gilo in thahat-in, kihuatna hiam zangin,
Amah a gi lo pen hi.

2
Eima thatang bek i suan leh, i sepna mawkna suak ding;
Pasian teel pa’n hong huh kei leh, cikmahin i zo kei ding,
Na thei nuam hiam tua Pa? Jesuh Khris hi, tua Pa;
Mipi’ Topa Amin, kikhel lo tawntungin,
Amah’n gal A zo ding hi.

3
Siatna kidim hih leitung in, bawlsiat ding hong toto hi;
I thumanna gualzo dingin, Pasian in deih, leu kei ni,
Khuamial ukpa’ hawkna, kihta-in liing kei’n la;
A hehna thuak lai un, A lel hita, en un,
Kammal khat in zo ding hi.

4
Tua kammal pen khuamial ukte’ lungdamna ding hi lo hi;
Kha Siangtho le a thuphate, hong panpih Pa hong piak hi,
Neihsa lamsa bei thei, pumpi zong hong that thei;
Leitung nuntak bei thei, Pasian’ thu man kipin,
Ama’ gam kho den ding hi.

1
Topa Pasian, Nangmah khut a na bawlsa
Leitung khempeuh ka ngaihsut ciang in ah
Aksi te mu-in vangingte ka za hi
Leitung khempeuh ah na vaang kilang hi

Sakkik
Tua a hih ciang, la kong sa hong honpa,
Bangzah na lian, Bangzah na lian
Tua a hih ciang kong phat hi Topa aw
Nang na lian hi, Nang na lian hi.

2
Sing lak ah zong ka vak kawikawi ciang in ah
Singkung tung ah vasa ham ngaih ka za
Mual sangdawn pan guamthuk sung ka etsuk ciang
Lui ging za in huih dam hong nung hiauhiau

3
Pasian in ah a Tapa haza lo in
Hong puak ka ngaihsut ciang um kei phial ing
Singlamteh tung kei van lungdamtak pua in
Sisan luangin ka mawhna hong paihsak

4
Kikona tawh Khazih hong pai kik ciangin
Hong ciahpih ding bang zah a nuam ding hiam?
Tua ciang kiniamkhiatna tawh ka bia ding a
“Ka Pasian Lian,” ci in ka ki ko ding.

1
Na thumaan na lian hi ka Pa Pasian aw
Kihei kikheelna liim Na nei kei hi
Nang ma hehpihna kikheel in bei ngei lo
Tang lai bangmah Na hi tawntung ding hi

Sakkik
Na thumaanna lian hi Na thumaanna lian hi
Zingsang simin hehpihna thak ka mu
Ka sapna teng Na khut in hong guan tawntung
Na thumaanna lian hi Topa kei tung.

2
Ni kha le aksite ngeina bang ciat in
Khuakhal le tuk hunte phalbi ni pi
Ngeina bang zui a hunhun a piang te in
Na thumaan hehpih itna hong lak hi

3
Mawhna maisakna le a kip lungnopna
Nong ompih lungdamna lam nong hilhna
A nisim Nong kepna mailam lungmuan’na
A pha tampite zong Nangma thupha

1
Khat veivei ciang i nuntakna,
Haksat mahmah hun hong tun ciang;
Lungkham sinkham, dah le kah in,
Huihpi’ sem bangin hong sem thei

Sakkik
Alian suangpi ka beel nuam hi,
Keimah sanga a sangzaw Suangpi,
A kip Suangpi ka beel nuam hi,
Keimah sanga a sangzaw Suangpi

2
Khat veivei nitum theilo bang,
Khat veivei i gim diak bang hi;
Leitung nuntak gimna sung pan,
Thupha Suangpi beel leng nuam ding.

3
Tua Suangpi ke’n ka beel nuam hi,
Dahna nopna ka thuak zongin;
Mual sang guamthuk sung ka pai zong,
A suk ato ah ka pai zong.

1
Kiim kot khuamialna a tang Jesuh aw, hong masuan in;
Ka inn pan in gam la pi ah ka om; lam hong hilh in;
Keima khe hong kepsak in;
Gam lapi muh ding gen loh, kal khat bek pha zo ta

2
Tua bangin thungetna, ni dang lai-in, om ngei lo hi;
Ka teelsa lam ka zuih hangin tuni, nong kha ding hi;
Kisak theihna ding in ka deih kei mah’n,
ka kiphasak, ka mawh na ngaih sun ken.

3
Sawtpi nang mah’n thupha nong piak manin; hong pia lai in;
Gam kuam mual kal tuipi kheng Topa in, lam hong hilh ta,
Khuavak ciang in sau veipi ka it mi,
Lungdamin ah kei mah’n ka um ding uh.

1
I bukna suangpi Topa hi, Huihpi nun ciang a kidalna;
A sia namkim a’ ding bit hi, Huihpi nun ciang a kidalna.

Sakkik
Gimna gam sungah Jesuh Suangpi a hi!
Belh ding Suangpi, Belh ding suangpi;
Gimna gam sungah Jesuh Suangpi a hi,
Huihpi nun ciang a kidalna!

2
Sunin ni lim, zan in kulh pi, Huihpi nun ciang a kidal na;
Kihtak ding gal om nawn lo hi, Huihpi nun ciang a kidal na.

3
Huihpi’n i kiimkot nuai hang in, Huihpi nun ciang a kidalna;
Nusia lo ding cik mah hun in, Huihpi nun ciang a kidalna.

4
Pasian Suangpi, belh ding it huai, Huihpi nun ciang a kidalna;
Tawntung hong nai, hong kem, hong huai, Huihpi nun ciang a kidalna.

1
Amah’n hong kha hih thu mahmah, hehnepna ding thupha a hi,
Ka sepna ka paina teng ah Pasian khut in kei hong kha hi.

Sakkik
A mah’n hong kha Amah’n hong kha,
Ama khut tawh A mah’n hong kha,
A nung mantak ka zui ding hi,
Ama khut in kei hong kha hi.

2
Khatvei leh Eden bang nuamna,
Khatvei leh khuamialna thukpi,
Bang ka tuak hang muanna launa,
Ka Pasian in kei hong kha hi.

3
Phunlo puamlo lungkim takin,
Topa na khut ka len nuam hi.
Bangbang tuak zong bang lungkhamna,
Ka Pasian in kei hong kha hi.

4
Na hehpihna tawh galzo a
Nasep ka khit ciang a vekpi’n;
Sih ding lau lo Pasian in ah,
Jordan gungal ah hong kha hi.

1
Tanglai a a lianbel Topa,
Nungcianga lawpna hi;
Tui kilok ciang na omna sung,
Hehpih in hong liah hi.

2
Topa Pasian tokhom kiimah,
Mi siangthote’n nuamsa;
Na khut tawh Na liahna, kepna,
Bit bel ding hi Topa.

3
Mual le guamte a kikhunma,
Lei pumpi pian ma-in;
Tawntung Pasian na hi khina,
Kip den ding kumkhua-in.

4
Kum tul kum then Topa mai-ah,
Nitak om ngeilo hi;
Khuamilna in a leeng mang a,
Zingsang khuavak bang hi.

5
Tuikhu bangin na bei thei hi,
Manglangin tawp thei hi;
Zan nitak, zingsang ciang mang hi,
I mang tawh kibang hi.

6
Tanglai-a a lian bel Topa,
Nung ciang a lawpna hi;
Gimna tuak ciang hong kempha in,
Na in ah hong kha in.

1
A hong kumsuk Topa
Na min phat na ding la
Ko hong pia in
Vanglian minthang Topa
Leitung kheem peuh zo a
Hong pai hong uk in la
Bei sa ni tawh

2
Biakna nuamna hong pia
Kote’ thu hong nget na
Na hong ngai in
Lam khial nei mite in
Thumuh kikna ding in
Lam hilh ding hong pai in
Kha Siangtho aw


3
Thu hilh Kha Siangtho aw
Hilh ding hong pai in la
Tu’n hong pai aw
Siamna a om khempeuh
Kha Siangtho om khempeuh
Ko tungah hong pia’n la
Hong uk ta aw

4
Nam thum pawl khat Pasian
Topa nangmah a lian
Na minthang hen
Vantung gam sung nang mah
Na vanglian mi dingin
Nangmah a tawntung in
Ka it ding hi

1
Tung Pasian tawldam tang bang a pha bel in,
Lailung sung khuam bang kip nading suan in;
Jesuh manawh a lum bang belte siangtho,
Sunglawh tang bang pha lailung ah lii bang cing.
Sunglawh tang bang pha lailung ah lii bang cing.

2
Nang tawh omkhawmzo lailung muang mawh nawn ke’n,
Kei in na tung Pasian ka hi nang kong sam;
Pian dang bel tawh tui bang a dim ka banzal,
Na zaitha le na lailungkipsak ding hi’ng.
Na zaitha le na lailungkipsak ding hi’ng.

3
Damtui kulthuk sunga nang na kum ding pawh,
Tang khuang bang hong kho ham bang vai kong bawllo;
Phamna tawh zingdai bang na kipelhna’ng in,
Damtui bang na sianna dingin kei om ing.
Damtui bang na sianna dingin kei om ing.

4
Tatsa sial bang et nang kammei sung tung ding,
Hehnepna tui bang kicing kong langsak ding;
Kammei thulguah bang thuak loh na’ng hong kem ning,
Vaivut a suaksa kham bang kong piangsak ding.
Vaivut a suaksa kham bang kong piangsak ding.

5
Kum khua sawt a tum bang vuai dong ka mite,
Tui bang kiamlo mu bang ngaih kum khua om ding;
Sum lu besam kang tum bang vuai khin zongin,
Ka anglai ah kiptakin von bang pom ning.
Ka anglai ah kiptakin von bang pom ning.

1
Minthanna le itna Topa,
Lungdamin kong bia uh hi,
Pak palh bangin Nangma mai-ah,
Ka lungsim uh hong malh hi;
Mawhna, dahna meii thengsak in
Lungmuan lahna hawlkhia aw;
Tulmawh nuamna hong guanpa in,
Sun ni tang bang sak aw.

2
Lei le van pi'n Na vang langsak,
Na bawlsa te'n hong phat hi;
Aksite le van mi' la sak,
Na kiim pan hong phatna hi;
Ciktui luangle vasa ham te'n,
Na min phat dingin hongzawn.

3
Mawh maisak Pa Thupha pia Pa,
Cing tawntung thupha Na hi;
Ciktui bangin luang nun nopna,
Tawlngakna nuam pen Na hi;
Nang kote Pa, Khris ko sanggam,
Itna neilteng Nangma lawm;
A ki-it ding a kisanggam,
Nang sungah ko lungdam khawm.

4
Zingsang aksi te'n a patsa,
Lungdamna lasa khawm ni;
Pa itna in hong henkhawm a,
Unau itna'n hong len hi;
Gal dona sung a gual zote,
Mainawt ni, Lasa kawm in;
I nuntak sung zawhna late,
Sa khawm ni, vantung dongin.

1
Lungmang mi aw, na kihta kei in,
Nangma Topa Pasian na muang ta in;
Thungen in, na singlamteh gik hangin,
Amah’n hong huh ding hi.

Sakkik
Amah in nang a hong gum theilai hi.
Ama khut in gal liahna hi ding hi,
Amah nang hong gum thei lai ding hi.
Tua hi-a lau kei in.

2
Lungmang mi aw, gal tam hanginah,
Gal nanna le thu-upna liansak ta’n;
Topa vangliatna tawh na do dinga,
Galzo na hi ding hi.

3
Lungmang mi aw, lam haksat ciangin,
Topa’n kihtakna a paihkhiatsak ding;
Huhna na deih leh Amah’n nei lai ding,
A minpha sakta in.

1
Gimna thuak hang lungmang kei in
Pasian in hong keem hi
A ma itna nuai ah om in
Pasian in hong keem hi

Sakkik
Pasian in hong keem hi
Nisim in ah, tawntung in ah
A mah in hong keem hi
Pasian in hong keem hi

2
Nasep nakpi na bawl laitak
Pasian in hong keem hi
Na paina lam launa om leh
Pasian in hong keem hi

3
A ma’h na deih teng hong pia ding
Pasian in hong keem hi
Piak loh bangmah om kei hi
Pasian in hong keem hi

4
Ze et gitlohna thuak hangin
Pasian in hong keem hi
Ama angsung na om ding hi
Pasian in hong keem hi

1
Hih ka Pa’ leitung hi,
Ka lung ngaih ciang in ah;
Na khempeuh te, ka bil sungah,
La ngaih sa bang ka za.
Hih ka Pa’ leitung hi,
Ka ngaihsut ciang nuam hi;
Singkung, suangtum, vanpi,
Ama bawl lam dang pha.

2
Hih ka Pa’ leitung hi,
A min phat ding ki pak;
Vasa ham le zing sang khuavak,
Unok pak tawh ki lawm,
Hih ka Pa’ leitung hi,
A hoih khempeuh sungah;
Amah om a hong pau pih na,
Ka pai na teng ka za.

3
Hih ka Pa’ leitung hi,
Ke’n mangngilh ngei kei ning;
Asia lamsang a hat hangin,
Uk lai Pasian mah in,
Hih ka Pa’ leitung hi,
Gal ki zo nai lo hi;
Lei le van pum khat suah ciangin,
Jesuh’ lung-kim ding hi.

1
Na siangtho na mun-ah
Topa kei hong liah ta in
Tawl damna na kiang ka ngah lai
Na mai tang hong lak in

Sakkik
Hong liah ta in
Hong gum Topa hong liah in
Lau lohna na kiang
Kei mah hong om sak in
Hong liah hong liah ta in ta in

2
Nun’tak na huihpi a nun’ lai
Kei hong liah ta in
Tuipi tungah va khu bang in
Nang kiang hong lut sak in

3
Dahna tawh ka lung kitam lai
Lungdamna hong pia’n
Khitui tawh nuamna ka zon’ lai
Keimah hong liah ta in.

1
Hong hehpihna lamdang zen si, kei bang lel hong hotna,
A gammang sa hong mu kik hi, mittaw tun khuamu ta

2
Hehpihna’n hong kidawm sak a, Launa teng bei sak hi,
Ka upcil a kipanin ah, manpha ka sa pah hi

3
Launa gim na dah na sung pan, hong pai suak pih zo hi.
Tu ciang dong zawhpih tawn tung, inn hong tun pih ding hi.

4
Van ah kum tul kum then om , ni bang bang ih tang ding hi,
Pasian phatna a cil sang in, nuamzaw semsem ding hi

1
Lam hong lak gumpa ka kiang hong nai ciang,
Bangbang hong kimvel hang lau om nawnlo;
Huihpi, Guahpite hong daisak ding a,
A khut kuak sung muanhuai hi.

Sakkik
A khut kuak sung muanhuai hi,
A khut kuak sung muanhuai hi,
Bangbang hong kimvel hang lau om nawmlo,
A khut kuak sung muanhuai hi.

2
Itna tawh a ang sung kei hong pom ciang,
Kilemna thu Kha Siangtho’ hong hilh a;
Pasian khut in kei hong kiplet zawh ciang,
A khut kuak sung muanhuai hi.

3
Ka kha kem, kei hong nusia nawnlo ding,
Hong itna khau tatsak zo om nawnlo;
Ka thei hi A mah in hong kem den ding,
A khut kuak sung muanhuai hi.

1
A tum dek teembaw kimkot-ah, huihpi in seem hi;
Huih in len a kisia dek hi, Tuipi thuk sungah.

Sakkik
Hong gum Topa ko in, Hong thupiak ngai in
Zingsang mateng kong ompih ding,
Lau ke’n hong gum ding kong pai h i;
Hi hi, zingsang mateng ompih ding,
Lauke’n hong gum ding kong pai hi

2
Lam-et bei teembaw nasemte, lungsim thaneem hi;
Topa’ sapna aw za uha, Lungdam khin uh hi.

3
Tuipi tung huihnun phat lai-ah, Teembaw tum dek hi;
A gum ding Jesuh va pai a, Lungman damsak hi.

4
Nang hong it manin hong kum a, Nang tang ding si hi;
Siatna pai-in a thu-um in, Inn na tung ding hi.

1
Leitung nuntak haksa lua a, launa huih bang hong nung hi;
Topa aw, Nang kong beel nuam a,
Na kiang kong tai ding hi.

Sakkik
Gimna ka thuak loh na’ng munah,
Topa in kei hong kem ding hi;
Pa Pasian in a khut sungah,
Kei hong kem tawntung ding hi.

2
Gimna hong thuaksak zel hangin,
Inn nuam hong tut nop man hi;
Heh man hilo, hong it manin,
Gimna hong thuaksak thei hi.

3
Dawimangpa’ pawl i galte in,
Hong bawlsia nuam semsem hi;
Ahih hangin Pa Pasian in,
Lungnopna suaksak ding hi.

4
Singlamteh ka puak laitakin,
Dahna huih bang nung thei hi;
Hih hang Jesuh’n kei hong kem in,
Gal hong tuaksak lo ding hi.

1
Lauhuai vanging ka za a, Khuaphia-in keek kia hi,
Mawhna ini hong suzan a, Ka kha zo gawp nuam hi;
Ka Honpa’n lau ke’n hong ci, lungkia lo, mainawt ning;
Kei guak hong nusia ngeilo ding,
Kei guak hong nusia lo ding.

Sakkik
Hong nusia lo ding, hong nusia lo ding
Topa Pasian kamciam kip hi,
Kei guak hong nusia lo ding
Hong nusia lo ding, hong nusia lo ding

2
Lauhuai huihpi hong nunga, ze-etna’n hong zol hi,
Hih hang tu’n ka lungmuang ta, Topa’n kei hong ompih;
Lawmte’n hong nusiat ciang zong, Amah ka kiang ding ding;
Kei guak hong nusia ngeilo ding,
Kei guak hong nusia lo ding.

3
Lunggimna kuampi sungah, Honpa’n kei hong kem hi,
Singlamteh gik cianginah, Amah’n kei hong dawn hi;
Kiimkot mialin nopna bei, Hih hang ka lau kei h i;
Kei guak hong nusia ngeilo ding,
Kei guak hong nusia lo ding.

4
Kalvary mual tung hong si, a pang tei tawh kisun,
Kei ading ciktui phul in, kei hong siangsak zo tun;
Minthang Topa’n tokhom tung, kei hong ngakngak ding;
Kei guak hong nusia ngeilo ding,
Kei guak hong nusia lo ding.

1
Leitungah launa tampi a om hang,
Bangmah kihtak ka nei kei,
Ki langlo Pasian tawh ka om ciangin koi mah peuh pai ding ka lau lo.

Sakkik
Tua bangin u le nau,
Pasian lamah na lungkip hen,
Cikmah hun lungkia lo in,
Pasian kiang i tun’ ciangin,
Lungnopna bang zahtak in a om diam.

2
Haksatna namkim a hong tun’ hangin,
Bangmah kihtak ka nei kei,
Pasian ka kiangah a hong om peuh leh,
koimah peuh pai ding ka laulo.

3
Sihna guamthuksung dong ka tung zongin,
Bangmah kihtak ka nei kei,
Gam nuam ah om ding Topa gam sungah,
koimah peuh pai ding ka laulo.

4
Mi namkim in kei hong do hangin ah,
Bangmah kihtak ka nei kei,
Pasian vangliatna a om ka sungah,
koimah peuh pai ding ka laulo.

1
A siangtho tui luanna mualkum zui dingin,
Jesuh in lam hong pi leh lungdam zui ning;
A khut zanin, tuipi hual tung hong sawl zong,
A mangte gup nading A thu va puak ning.

Sakkik
Lam hong hilh bang zui ning,
Lungdam takin zui ning;
Gumpa hong hilh bangin zui ning,
Lungdam tak zui ning.

2
Bangmah omlo, mual sang tung ahi zongin,
A lawmte tawh kikhen a, mangthang tuuno;
Huih le guahpi a zu zongin va zong ning,
Gumpa hong lah bang mailam nawt va pai ning.

3
Ka zui ding hi, Gumpa hong lah mah bangin,
Dah ta leng, nuam ta leng, lungdamin zui ning;
Gumpa’n thei hi, a muanhuai thuman lampi,
A tang kham khuapi sungah hong tunpih ding.

1
Keima Topa Jesuh lamdang Honpa hi
Kei aa ding lamdang Honpa hi
Suangpi kitam sung ah ka kha hong liah sak
Nuamna gunpi bang hong musak.

Sakkik
Suangpi kitam sung keima kha hong liahsak
Tua suangpi’n gamgaw tak liapsak
A itna sungah ka nun’takna phumta
A ma khut in kei hong tuamta
A ma khut in kei hong tuamta

2
Keima Topa Jesuh lamdang honpa hi
Amah’n puakhia keima van pi
Amah’n hong len a kei ka liing kei ding hi
Ka ni bang in tha hong pia hi

3
Kisim zolo thupha hong pia kimat in
Ama hoihna tawh kidimin
Lungdamin la ka sa Pasian minthang hen
Hih bang Tanpa ka nei hi ke’n

4
Ama dikna puan paak silh a ka thawh ciang
Amah dawnin ka leentoh ciang
Ama hong itna leh hong hotna kicing
Van ah aw tampi tawh sa ning

1
Akha nuai-ah lungmuang takin ka oma,
Khuamial lua a, huihpi nak nun hangin;
A hong kep ding thei-in, Amah ka muanga,
Hong tanzo hi, Ama ta ka hikhin.

Sakkik
Akha nuai-ah hong itna pan,
Kuamah’n hong khen zolo ding;
Akha nuai-ah kei ka teeng ding a,
Lungmaung tak om tawntung ning.

2
Akha nuai-ah dah ciang belh ding muan huai a,
K alungsim in tawldamna nuam ngah hi;
Leitungah nopna hong pia thei om lo-a,
Tua lai-ah nopna thupha ka ngah hi.

3
A kha nuai-ah nopna manpha mahmah a,
Nuntak haksatna bei dongin beel ning;
Hong liah, hong dal, siatna’n hong su thei lo a,
Jesuh’ sung khawl leng, lungmuang tawntung ning.

1
Tuu sawmkua le kuate lungmuang takin,
Tuu khumna bukah om uha;
Khat ahih leh mual sang dawnah gam mangin,
Kham kongpi tawh kigamla ta a;
Gam simtham mual dawnah gamta-in om hi,
Tuucing migipa’ keplohin om hi,
Tuucing migipa’ keploh-in om hi.

2
Topa, tuu sawm kua le kua om lai-a,
Tua teng tawh lungkimlo na hiam?
Tuucingpa’n hong dawngin, “Ka tuu khat tai-a,
Kei kiang pan mangthang hilo hiam?
Keen kawm guamkawm hitaleh ka pai ding hi,
Amangsa ka tuu ka zong ding” ci hi
“Amangsa ka tuu ka zong ding” ci hi

3
A gammangsa a tuu amuh ma teng,
Khuazin khuazan a zong zonga;
Kuamah’n thei khin zolo athuak gimna teng,
Haksatna tampi thuakin zonga;
Gamlapi pan a ham aza ciaiciai hi,
Cimawh-in si dinga om a mu hi,
Cimawh-in si dinga om a mu hi.

1
Tawmvei sung lunggim thuak khit ciang, Inn i tung ding;
Tawmvei sung dahna thuak khit ciang, Inn i tung ding;
Tawmvei singlamteh puak khit ciang, Jesuh tawh kham lukhu khu ding;
Tawmvei sung lunggim thuak khit ciang, Inn i tung ding

Cho
Hunte bei hanhan a, I tawlnga baihta ding;
Lunggimna teng bei dinga, Inn i tung ding

2
Tawmvei sung kahna khitzawh ciang, Inn i tung ding
Tawmvei sung i ngak khit zawh ciang, Inn i tung ding
Mawhna tungah i gualzawh ciang, buhphal pawlkhat i kaikhawm ding;
Tawmvei sung lunggim thuak khit ciang, Inn i tung ding

3
Tawmvei sung i kikhen khit ciang, Inn i tung ding
Tawmvei sung i kiho khit ciang, Inn i tung ding
Tawmvei sung lunggim thuak khit ciang, Kanaan lam i zuanta ding;
Tawmvei sung lunggim thuak khit ciang, Inn i tung ding

1
Lungsim gal dona leh dahna sung panin
Kei sang a sang zaw Suangpi ka beel nuam hi
Mawh lua, gim lua zo Nang aa hong hi ta ning
A kip Suangpi aw, Nangmah kong belta hi

Sakkik
Nang kong bel hi, Nang kong bel hi
Nangmah kong bel hi
A kip thupha Suangpi

2
Sunin gam dai-a dahin lungleng laitak
Ze-etna in a vaang tawh hong tuam ciangin
Nuntak huihpi nung tuipi kihual laitak
Thupha Suangpi aw hong liahin bittakin

3
Galdo lai takin gal in hong neh ciangin
Tai in kong ko zel hi ka belh Suangpi aw
Tuihual bang ze-et gimna hong tun ciang in
Na sung kong bu hi, keima kha Suangpi aw

1
A zaknop huai la ngaih za ing,
Ka saknop hang sa thei kei ing;
A zaknop huai la aw ngaih hi,
Ni khat ni ciang ka sa ding hi.

Sakkik
Lungdamna ni, hong tungta ding,
Tua la ke’n ka sa thei ta ding;
Tua la ngaihpi ka sa ding hi
Jesuh kiang ka tawlnga ding hi.

2
Ni khat ni’n ka tawlnga dinga,
Leitung bei-in vankip idnga;
Lam haksa teng ke’n ka khin ding,
Honpa Pasian’ mai ka mu ding.

3
Ni khat ni ciang ka ngak kongpi,
Hong kihong ding kham kong khakpi;
Tua ni hong tung baih thei kha ding,
Tawlngak tawntungna hita ding.

4
Ka van inn lam theilo pi-in,
Ka pai ding hun hong tun ciangin,
Pasian’ khut sung ka kinga hi,
Amah’n inn hong tunpih ding hi.

1
I lungngaih tawntung ding in ah,
Topa Pasian itna,
Mawh na a lian i neih na pi,
“Tate aw” hong ci hi.

Sakkik
En un Topa Pasian in
“Tate aw” hong cih na Pasian tate,
I tang ding hi
En un Topa Pasian in
Ei hong it thupha phatna.

2
Topa tawh kinai theih na ding
Jesuh a si luangsak,
“Ka ta it te aw” ci’n hong sam
A ang sung i khawl ding.

3
Nung ciang i min bangci than ding
Tu’n ki thei nai lo hi
Topa Jesuh hong kumkik ciang
A mah i sun ding hi

4
Tua thu alawpte khempeuh in
I Topa bang ding hi
Sihna a zo min thang Topa
Mai mu dingin a pha.

1
Lampi khial lo ding in ah, (ding inah)
Lampi hong hilh in Topa (in Topa)
Nang kiang ah ka om lai in ( om lai in)
Gal hong bawl sia thei lo ta (thei lo ta)

Sakkik
Lam hong hilh in,Topa lampi hong hilh in(hong hilh in)
Tui luang bang nun tak na ah(nun tak na ah)
Hong gum Topa hong hilh in(hong hilh in)

2
Tuipi ki lok lai tak in (laitak in)
Ka kha gal liah nading in (nading in)
Kei kiang ah na om lai in (om lai in)
Na heh pih na ka muang ding (kamuang ding)

3
Nun tak na huih nung ta a (nungta a)
Khitui kinul na khua ah (na khua ah)
Kei mah ka tun mateng in (mateng in)
Topa aw lam hong hilh in (hong hilh in)

V1
Mawhna thuk ah tum suk in
Suahtakna ding gam la
Ka sung mawhna nin dim in tum cip ding ka hi ta
Ahih hang in Topa in ka kiko na hongza
Tuisung pan hong domto in
Tu’n ka suak ta

Sakkik
Kei hong phong hi (phong hi)
Kei hong phong hi (phong hi)
Itna in a cimawh, Kei hong phong hi
Kei hong phong hi

V2.
Amah bek ke’n ka muang ta
Amah beel tawntung ning
Ama kiang ah ka tawl nga
Amah phat tawntung ning
Hihzah ta a hong it na
Ka siam tawpin phat ning
Amah it in a deihna sem tawntung ning

V3
Kha nuntakna taan dekte
Jesuh’n hong hon thei hi
Tuipi hual sung tum dek te
A hong domto ding hi
Ama’n uk hi tuihualte
Ama thumang uh hi
Hong hon nuam hi na ut leh tuni in

1
Amawh khinsa leitung mite, Pasian in hong it hi;
Hotkhiatna a manpha pite, Man ngenlo hong pia hi.

Sakkik
A lamdang mahmah itna, Pasian’ hong itna hi;
Kalvary ah Asi dinga, Honpa hong piakna hi.

2
Upna hangin ka Topa hi, A thokik Pasian’ Ta;
Sihna tawh kei hong tan zo hi, A si’n hong sawpzo ta.

3
Itna in hong kicingsak a, Misiangte tung gen hi;
Jesuh upna hang bek inah, eite i suakta hi.

4
A umte aw, nuamin pai un, Vantung nopna hi;
Hih leitungah na om lai un, Na malep ding uh hi.

5
Satan vangliatna i zota, Tatsate’n la sa ni;
Khris i Topa, i kumpipa, eite gualzawhna hi

1
Singlamteh tung sihna pan, ciktui phul sak zo Topa’n,
Ka mawhna khempeuh hong sawp siangta, (sawp siangta).
Tel zawh loh itna thuk tawh, van tokhom nusia ta maw!
Suut zawh ngei ding hi kei hong itna (hong itna)

Sakkik
A tul gemgam sing tung ah, khut le khe khet a thuakna,
Keimah bek hong it ma’n hi zen maw! (hi zen maw!)
Kei tang sihna hong thuak man , Suahtakna ka ngah thei pan,
Jesuh bek in hong suplawh zen maw! (sum zen maw!)

2
Lungkhamna’n hong tuum laitak, Jesuh’n ka van hong puaksak,
Kua dang kei tangin si ngam ding maw! (ngam ding maw!).
Ka nuntakna sung phat den ning, lungdamin lasak den ning,
Lamdang hehpihna’n hong honkhia maw! (honkhia maw!)

3
Mawhna teng sawp siang zo a, a kha kasung hong teng ta,
Nisim ka kha tawh teci pang hi. (hong pang hi)
Khualmi bang ka vakthap hang, ka inn nuam nai semsem tang,
Minthanna dimin ka mu ding hi. (mu ding hi.)

1
Anuam khawlkhopna kei aa hizo ta,
Tawntung ang sungah kei khawlta ing,
Alian thuphapi Pasian sung nopna,
Tawntung ang sungah kei khawlta ing.

Sakkik
Khawl ing, om ing, Launa pan lungmuang khinzo ing;
Khawl ing, khawl ing, Tawntung ang sungah kei khawlta ing.

2
Hih khualzinna ah kei suakta khin tang,
Tawntung ang sungah kei khawlta ing.
Anini’n ka lam nuamsa semsem ing,
Tawntung ang sungah kei khawlta ing.

3
Ke’n bang kihta ding, ke’n bang lau nawn ding,
Tawntung ang sungah kei khawlta ing;
Honpa tawh omkhawm nopna lian ngah ing,
Tawntung ang sungah kei khawlta ing.

1
Leitung nop sak na te sangin,
Topa kong it zaw hi;
Kisia ngei lo nop sak na’ng in,
Topa in hong pia hi.

Sakkik
Hong it hong ngaihna a thupha, (athupha)
Kim khat beek gen nai kei,
Hong sawp siangtho na a thupha, ( a thupha)
Kim khat beek gen nai kei (gen nai kei)

2
Leitung ka zawl khempeuh sangin,
Topa nai nuam zaw ingh;
Leitung ah la ngaih khempeuh sang,
Thu ngaihna pha zaw hi.

3
Ka lung hong dam sak zo ta hi,
Cik mah’n bei lo ding hi;
Hong itna thupha om kei leh,
Lungsim ki sia ding hi.

4
Hong om khawmpih ki thei lopi,
Hih zah lungdam na lian;
Topa mai i mu dingtak pi,
Bangzah a nuamding hiam.

1
Kitam a om a kip Suangpi, Hong liah in;
Gimna le tawlna a tampi, Hong liah in.
Topa itna ka lungsim ah, Mihing khen theihlohna munah
A kip tawntung Sungpi pha aw, Hong liah in.

2
Mawhna kuam sung tu’n lohna ding, Hong liah in!
Topa aw ka lungmuanna ding, Hong liah in.
Leitung minthannate inah, Ka mawhna’ng in hong zolzol a;
A kip tawntung Sungpi pha aw, Hong liah in.

3
Dahna khua a hong mial lai teng, Hong liah in!
Minthan ni zing khuavak mateng, Hong liah in.
Jordan gunpi gei ka nai ciang,
Na ang muanhuai sung kong tun ciang;
A kip tawntung Suangpi pha aw, Hong liah in.

1
Hong ging zuazua zankim laitak,
Vantung la ngaihpi hong ging suk hi;
A la dawng lah la ngaih mahmah,
A sate lah vantungmi honpi.

Sakkik
A sangbel ah minthang hen aw,
Lei-ah mite tung nopna om hen,
Khangsawnte’n tuu bang cing hen aw,
Lei in pahtawi kikkik hen.

2
Tuucing mite’n tua vangtang mu,
Vantung mite’ thu puak za uh hi;
Ganbuk sungah biakna pia uh,
Huih lak khempeuh thawnin la kisa.

3
Khazih Honpa, Pa’ sathau nilh,
Leitbat lauhuai loh ding hong paizo;
Dahna thuakte nialna thuakte,
I mawhna puakhia Pasian Tuuno.

1
Vantung gam pan vantung mite, vannuai piancil la sate;
Leitung khempeuhah hong leeng un, tu’n Mesiah suah thangsak un.
Hong paita un, Hong bia ta un, Suak thak Khazih hong bia un.

2
Gampa lakah tuuhonte tawh, zan giak, no tuucingte aw;
Pasian le mi om khawmzo hi, En un, Khuavak ngek tang hi.
Hong paita un, Hong bia ta un, Suak thak Khazih hong bia un.

3
Mipilte aw, lung geel nawn ke’n, a taangzaw khuavak en ve’n;
Mi namkim’ deih lian pen zong in, A aksi, no muzo tu’n
Hong paita un, Hong bia ta un, Suak thak Khazih hong bia un.

4
Thu khat in Topa A inn ah, hong kilang ding ci-in ah;
Ngak a, lawp a, lam-etna tawh, bia-a om misiangte aw
Hong paita un, Hong bia ta un, Suak thak Khazih hong bia un.

1
Hong pai un thu um teng
lungdam in kipak in
Hong pai un va en ni
Betlen khua sungah
Vantung kumpipa bawngkuang sung hong suak ci

Sakkik
Va bia ni hong paita un
Va bia ni hong paita un
Hong pai un va bia ni, Khazih Topa.

2
Sa un kipahna la vantung mi honte aw
Vantung a sang belna khempeuh thawn sak un
Van sang belna ah Pasian min thang ta hen

3
Hi hi hong hon ding pa tuni kong dawn uh hi
Jesuh Topa na min thang tawntung ta hen
Pa Pasian deih thu mi bangin hong piang ta

1
Leitung lungdam Topa hong pai
Kumpi za ngah ding hi
Lungsim khempeuh bawlphatsak hi
(Van le lei lasak ngai)2
Van le… van le.. lei la sak ngai

2
Leitung nuam nang Jesuh maang hi
Mihing ten lasa hen
Lo lai tui pi,Suangpi mual pi’n
(Kidem in ham uh hen)2
Kidem… kidem… in ham uh hen

3
Nungciang mawhna a khanloh nang
Ling in bawlsia lo ding
A pha lo na a pha bel in
(Bawlpha ding hong pai ding)2
Bawlpha… bawlpha ding hong pai ding

4
Hong hehpihna thupha bel in
Leitung hong uk ding hi
A minthang siangtho hong itna
(Mi khempeuh theisak hi)2
Mi khem.. Mikhem peuh theisak hi

1
Hong pai meng in Emmanuel, honkhia in saltang Israel;
Pasian Tapa kilat ngak mi, nilkhiat thuak lung zuang a thuum mi;

Sakkik
Nuam un, nuam un, no Israel,
Hong pai ding hi, Emmanuel.

2
Hong pai meng in Jessi suan aw, Satan khut pan honkhia meng aw
Hell khuk sung pan honkhia ta in, Sihna tungah gualzo sak in;

3
Hong pai meng in zingkhua vak aw, Ka lungsim uh hong nuamsak aw;
Zankhuamialpi hawlkhia ta in, Meii pai letin khuavak sak in;

4
David tawhtang hong pai meng in, Vantung kongpi hong honsak in;
Vantung lampi ah hong kha aw, Siatna lampi khaktan ta aw.

1
Bethlehem khua neu mi te aw
No lah ihsip keei maw
Aksi ten zong hong khengkheng veh
Khua phawk kei si uh teh
En un no khua kong zing lak
Tang hi tawntung khuavak
Kumkhua a kingak no khua ah
Tu zan hong tung petmah

2
Bang hiam na hong cih leh
Mary sungpan Jesuh suak hi
Vantung miten na cing Amah
Mi ihmut kal in ah
No zingsol ten na vek un
Nausuahna tang ko un
Pasian Kumpi Aminthang hen
Mi tung nopna om hen

3
Lamdang lungdam huai thulian pi
Hong kidai piak khian hi
Pasian in thupha hongpiak ciang
Tua bang ngeingei in piang
Bil in zakngei loh hang in
Mawhna i dim hang in
Lungneem a sang nuamte sung ah
It huai Jesuh lutpah

4
Bethlehem naungek siangtho aw
Ko kiang ah hong kum aw
Ko mawhna hong hawlkhiatsak in
Ko sungah hong suak in
Nang suah tangko van mi ten
Lungdamna thu hong gen
Hong pai in la hong ompih aw
Immanuel Topa

Noel masa vangtung mite sak
Tuucingte pawlkhat tuucin laitak hi
Gampa lak ah tuu vil laitak
Phalbil khuadam lai
Zan khuamial laitak.

Cho.
Noel…..Noel… Noel…..Noel…
Itazila Kumpi pa suak.

2
A khuadak ciang nisuahna lam ah
Gamlapi pan aksi tang khat kilak
Leitung teng ah nakpi tang hi
Sun le zan ci lo-in
Tang tawntung hi.

3
Tua aksi pi tang zuikawm in ah
Gamlapi pan mipil thum te in ah
Kumpi zong ding hong pai uh hi
Aksi paina khempeuh hong zui uh hi

4
Tua aksi’n ni tumna lam naih hi
Bethlehem khuapi tunglam hong naih hi
Tua lai ah aksi pi hong khawl
Jesuh a kisialna tung ah hong khawl

5
Mipil thumte zong buk sung lut a
Zahtakna lianpi tawh khukdin uh hi
Kham paknamtui, paknamtui kha
Ama kiang ah pia-in, a bia uh hi

1
Zankim gamdaih kim laitak in
Hong ging vanglian la pi
Vantung mite hong kumsuk in
Kham gawsem tawh sa hi
Vantung Kumpipa kiang pan in
Nopna leitung dim hen
Ci’n hong sak laitak leitung mi’n
Dai khipkhep in ngai hi.

2
Van kong pan hong pai lailai mah
Kilemna kha zak in
Gimna dimna hih leitung ah
Van langaih kiza lai
Dahna lungkhamna kuam tung ah
Hong leng diaidiai uh a
Pau namtampi gamlum lak ah
Vantung lapha hong sa.

3
Leitung nuntak vangik nuai ah
Vangik lel a gim te
Nuntak haksa lamto a kah
Pheiphung suan kha mi aw
En un lungdam nuamna ding hun
Manlang va bang hong leng
Gimna lamgei ah na khawl un
Vantung la ngai dih uh

4
Thei un hong tung petmah ding ta
Tang kamsangte gensa
A kum a kha hong veei ding a
Hong tung ding kham hunpha
Leitung ah nopna lemna pha
Avang hong tang ding ta
Vantung mite hong sak lapha
Leitung mi’n dawng ding ta

1
Ngai un! Vantung mi’n lasa,
A suak Topa minthan na;
Leitung nuamna hong khang sak,
Mawhna khempeuh phel ding ci,
Leitung mi khempeuh te in,
Lungdamna tawh tho un la;
Jesuh Bethlen ah suak hi;
Vanpi dong ah minthang hi
Vantungmite’n lasa hi,
“A suak Topa minthang” ci

2
Jesuh Topa Pasian Ta,
A om tawntung kumpi pa,
Nungak sung pan hong suak hi,
Mi bangin ah hong piang hi.
Pasian in mibang piang a,
Pasian itna mi sung ah;
Ka hong khawlkhawm sak nuam ci,
Emamuel Jesuh hi;
Vantungmite’n lasa hi,
“A suak Topa minthang” ci

3
Dawn un kilemna kumpi,
A thuman Ni bang tang hi;
Nuntak na leh khuavak na,
Hong puak suk khawm cidam na.
A vangliatna nusiat in, Eite sihloh na ding in;
Nihvei suak sak ding hong tuak,
Hong phongto dingin hong suak
Vantungmite’n lasa hi,
“A suak Topa minthang” ci

1
Jesuh in van ah tokhom nusia a
Mi a ding leitung hong pai zo
A hong suak dingin
Betlen khuasung ah
A hong suahna ding inn omlo

Cho.
Keima lungsim sung hong om in
Nang ading omna a om hi
Keima lungsim sung hong omta in
Nang ading omna a om hi

2
Jesuh in a hong kumsuk laitak in
Vantung miten pengkul tumhi
Hih hang gina lo bek tawh hong suak a
Leitung hong kiniamsak ta hi

3
Ngia in zong kua nei a vasa in zong
Singdawn ah buu a nei uh hi
Hih hang Galilee gam Jesuh omlai
Alupna leitung bek a hi

4
Jesuh in zawhna tawh hong paisuk ciang
Pengkul aw tawh hong pai ding hi
Amah’n a aw tawh kei hong sam ding
Ka kiang om in hong ci ding hi

1
Aw min lamdang kamsang te’n gen,
A suah ma pekin ah;
Lemna Kumpi mu khol khin uh,
Sawtpi laipek in-ah.

Sakkik
A min in Lamdang, Thulakpa!
A vanglian bel Pasian!
Tawntung Pa! Kilemna Kumpi!
Tote’ Topa Pasian!

2
Aw min vanglian van mite le misiangte’n pahtawi hi;
Min khempeuh tunga min lian bel,
Eite’ bukna Kulhpi.

3
Aw min manpha sang khan’ unla,
Vangliatna teng tang hen;
Hong huhna tawh mawhna zo-in,
Vantung hong tunpih hen.

1
Tapidaw-te nuam un, lungdamin kipak un;
Kong thugen teng na ngai un,
Ngai un, tuni’n Jesuh hong suak hi;
Bawngte le late’n bia hi, tu-in gan an kuang sung om hi;
Khazih hong suak hi, Khazih hong suak hi.

2
Tapidaw-te nuam un, lungdamin kipak un;
Ngai un bei ngeilo nuamna,
Nuamna, nuam nading Jesuh suak hi;
Vantung kongpi hong zo hi, mihingte’n nuamsa den ding hi;
A hong suah manin, Ahong suah manin.

3
Tapidaw-te nuam un, lungdamin kipak un;
Sih ding tu-in lau nawnlo,
Lau lo, hong hon ding Jesuh suakzo;
Eite sap loh hong nei lo, Ama innpi sng kua ut lo;
Hong hon ding suakzo, hong hon ding suakzo.

1
Bawngbuk sungah nauluai cih lah om lo a,
I Topa gan kuang sungah hong kisial ta;
Van pan aksite’n zong hong ensuk kiukiau,
I Topa Jesuh, lo keu tung ihmu ciuciau.

2
Bawngte hamna aw in naungek phawng zel hi,
Hih hang naungek Jesuh lah kapse lo hi;
Naungek Jesuh aw Nang kong ngaih mah bangin,
Van pan hong en in khuavak dong hong kem in.

3
Ko kiangah naitakin hong ompih inla,
Ka Topa Jesuh aw, kei hong ngai inla;
Naupangte khempeuh tu’n hong kem hong cing in,
Na kiangah om thei dingin hong bawlpha in.

1
Dai di de…. zan siangtho….
Mial khikhe….tawm sim loh
Gal a naungek lupna kiim
Nu siangtho le a ma kiim
(Naungek limtak ihmu)2

2
Dai dide…. zan siangtho….
Thakhat in…theih kholh loh
Tuucingte kiim tang pempam
Vantung pan phatna puakkham
(Khazih hongsuak zo hi)2

3
Dai dide…. zan siangtho….
Mipilte’n …van en to..
Lam hilh aksi tang zui in
Lut uh hi biakna lui in
(I Kumpi hong suak hi)2

4
Dai dide…. zan siangtho….
Aksi pi’n.. Hong tan hen
Vantung mite bang in ah
Sa un Kumpi phatna la
(Hong honpa hong suak hi)2

1
Tuucing ten zanlai gamlak ah
Tuuvil a omlaitak
Vantung mite hongpaisuk a
Avanglianpi honglak

2
Tuucing te lau-in vantung mi’n
Laukei un thuphapi
Note le leitng mi a ding
Tu-in kong paipih hi

3
David khua Betlen khuapi sung
Hong gumding in Khazih
David suan mihing pawl sung pan
Tu ni-in hong suak hi

4
Bawngkuang sung puantawh kitun a
Naupang in a om hi
No tu in pai un zong un la
No na mu ding uh hi

5
Vantung min a cihlaitak in
Van mite hong pai a
Pasian vanglian mah mah ci in
Sa uh hi phatna la

6
Van ah Pasian min lian henla
Leitung nopna omhen
Honghehpihna le hong itna
Mitung om tawntung hen

1
Vantung mite lasakna
Zanglei tung ah kiza hi
Mual sang ten zong sangsawn a
Lungdamna la kithawn hi

Cho.
Thang………………..ta hen
Pasian minthan ta hen
Thang………………….ta hen
Van a sangbel Pasian

2
Tuucingte no lungdamna
Nuamna late bang thu hiam
Vantung la ngaih no sakna
Lungdamna thu banghang hiam

3
Betlen khua ah hong pai in
Noten zong hong en ve un
Khazih Kumpi khukdin in
Noten zong hong phatpih un

4
Vantung min a phat laitak
Gankuang sung kisial en un
Phatna kote sak laitak
Josef, Mary hong huh un

1
Nidang lai-in David khua ah
Bawngbuk neukhat a om hi
Tua bawngbuk sung bawngkuang sung ah
Nukhat in ta asial hi
Tua nu min Mazih hi a
A ta min Jesuh Khazih

2
Jesuh pen Pasian le Topa
Vantung pan hong kumsuk a hi
Bawngbuk sungah hong giaksuk a
Bawngkuang sung ah hong lum hi
Mizawngte tawh leitung ah
Amah hong kikhawl suk hi.

3
Aneu lai lamdang mahmah a
A nu zahtak in mang hi
A nu in phatak in kem a
A nu a it mahmah hi
Tapidaw naupangte zong
Tuabang mah ding i hi hi

4
Etteh ding hoih naupang Jesuh
Eimah bang nisim khang hi
A neu lai a thanem Jesuh
Nuam le dah a theipa hi
I dah hun ciang hong dahpih
I nuam hun ciang hong nuam pih

5
Hong it in a hong tatman in
Nung ciangin a mah mu ding
It huai migi tua naupang in
Vantung ah i Topa ding
Ama omna munnuam ah
Ei hong piding a kiang ah

1
Ko teng thum ni suahna panin, mual le guam gamlapi kanin;
Letsong puakin kong pai uh hi, Hih aksipi zui-in.

Sakkik
Aw, lamdang mahmah zan aksi,
Kumpi’ vang a tang aksi,
Hong masuan in lam hong hilh in,
Khuavak thak phual hong tun in.

2
Kumpi khat suakzo ngel hi a, A Kumpi lukhu dingin ah;
Ei tung hong mang den tahen, ci’n kong puak uh, kham manpha.

3
Ke’n zong pak namtui kong keng hi, Pasian tawh kinaina lim hi;
Thungetna le phatna biakna, van-a Pasian puak ni.

4
Kei aa pawh pak namtui kha hi, lungkhamna le thuakna limi hi;
Dah in kapin, sisan luangin, han vot sung lum ding hi.

5
Min thanna tawh a kidim Pa, Kumpi, Pasian hong kipia Pa;
Hallelujah, Hallelujah, lei le van in phatta.

1
Lamdang Jesuh hehpihna’n, ka mawhna sel khin maw;
Bangci bangin ka leii in, phat khinzo ngei ding maw;
Ka lungkhamna teng beisak, keimah hong khah khiazo;
Alamdang Jesuh’ hong hehpihna’n, hong honzo.

Sakkik
Teh theilo hi, Jesuh’ hehpih, lamdang hong hehpihna,
Tuipi thuk pen sangin thukzaw, mual sangin sangzaw;
Lamdang hehpihna kicing kei aa kei ading kiing,
Ka mawhna teng khempeuh sangin lianzaw,
Ka zumna teng sangin zong lianzaw,
A manpha mahmah Jesuh’ min lian phat un, phat ciat un.

2
Lamdang Jesuh hehpihna’n, mawh nei khempeuh zong hi;
Hong piak mawh maisakna in, tawntung ading cing hi;
Mawhna kol pan hong suutna, suahtakna cing khinzo;
Alamdang Jesuh’ hong hehpihna’n, hong honzo.

3
Lamdang Jesuh hehpihna’n, a sia bel zong honkhia;
A vangliatna’n kei hong khel, A Tapa za hong pia;
Vantung nopsakna khempeuh, ei adingin leizo;
Alamdang Jesuh’ hong hehpihna’n, hong honzo.

1
Jesuh thu thei semsem nuam ingh.
Hong itna thu gengen nuam ingh.
Kei tang a si Pa hong itna,
A cing zaw in ka thei nuamta.

Sakkik
A thu zaza nuam ing
A thu zaza nuam ing
Kei tang a si Pa hong itna
A cing zaw in ka thei nuam ta.

2
Jesuh thu ken sinsin nuam ingh.
A deihna khen tel thei nuam ingh.
Pasian Kha Siangtho ka sia pa’n
Khris zia le tong hong lak khia ta’n

3
Jesuh kammal zaza nuam ingh.
Topa tawh holim den nuam ingh.
A aw ngai ning vai khempeuh ah,
A gen teng ka pom nuam ta.

4
Van tokhom ah a tutna thu,
Van hauhna teng a neihna thu;
A gam zai na’ng leh hong pai na’ng
Za nuam ing, Kumpi a suah na’ng.

1
Topa tung lungdam ngah nuamte’n, kisak theihna pai in;
Um in Ama thu a phate, hong piak ding ngaihsun in.

Sakkik
Mawh phelna, nuam vanglianpi,
Lungdamsak ning, Amin phatna;
Sianthona pha, vantung om hi,
Kei tang si hi, Jesuh Khazih Topa.

2
A thu le hong itna pha a, Asi tawh hong sawp hi;
I mawhna khempeuh hong sawp a, Nopna pha kingah hi.

3
Mawhna vanglian sukgawp nading, siamna pha hong pia hi;
Lungsim sunga siantho nading, kha pha hong bawlsak hi.

4
Adang lungsim zawh nadingin, Kha Siangtho hong pia hi;
Apha bel Khazih Topa in, i lung sungah om hi.

5
Naupang bangmah’n i up ciangin, thupha i ngah ding hi;
Thupha bel Khazih Topa in, hong piak ding ciamsa hi.

1
Topa Jesuh aw, kei ka siangtho nuam hi,
Keima lungsim sung nong om tawntung ding hi;
Gal khempeuh nawtkhia in hoih lote paai in,
Nong sawp leh ka ngozaw ding hi, vuuk sangin.

Sakkik
Vuuk sang ka ngo zawk thamna dingin,
Topa aw Nangma sipha tawh hong sawp in.

2
Topa Jesuh aw, keimah nong sawp siang hi,
Na sipha tawh Nong sawp ciang mawhna bei hi;
Mawhna khempeuh paisan siangtho ngah dingin,
Nong sawp leh ka ngozaw ding hi, vuuk sangin.

3
Topa Jesuh aw, Na kiang kong thum nuam hi,
Na khut nuai panin ka na ngakngak ding hi;
Upna tawh na si buakna ka mu zo hi,
Nong sawp leh ka ngozaw ding hi, vuuk sangin.

4
Ngak a thuaknate, Topa in na mu hi,
Lungsim thak ka sung ah nong guansak zo hi;
Topa kiang hong pai khempeuh na nial kei hi,
Nong sawp leh ka ngozaw ding hi, vuuk sangin.

1
A lamdang tangthu lasa ning
Jesuh kei taang ding si hi
Vantung min than’na nusia a
Singlamteh sih na thuak hi

Sakkik
A lamdang tangthu lasa ning
Jesuh si hi kei tang ding
Lim lang tui thuk gei ki khop ciang
Mi siangtho te tawh sa ning

2
A gammangte Jesuh’n zong hi
Lam a khial tuu te zong hi
A khut tawh kei mah hong pom hi
Lampi ah hong kha kik hi

3
Cinate Jesuh’n dam sak a
A kipukte zong phong hi
Mittaw in a lau na tam a
A hih hang hong gum ding hi

4
Khuamial kei tungah hong tung ta
Dahna lampi ka zui ta
Kei hong ompih in Topa aw
Hong keem in lam hong hilh ta

5
Sihna gun gal kah mateng in
Topa in hong cing ding hi
I itte tawh kimu ding in
Gungal ah hong kha ding hi

1
Topa Pasian lo ngal vanah
Muan ding dang om lo hi
Nuntak lai teng ka sak ding la,
Jesuh kei aa ding hi
Topa’n kei tang gimna thuak hi
A sipha tawh hong sawp zo hi
Lungsim siang tho hong guan’zohi
Jesuh kei aa ding hi.

2
Mi a haute ka eng kei hi
Jesuh kei aa ding hi
Leitung sum ke’n ka deih kei hi
Jesuh kei aa ding hi.
Leitung hauhna kip lo ding hi
Na khempeuh kisia gawp ding hi
Kei nuamna bei thei lo ding hi
Jesuh kei aa ding hi

3
Zawng a gimna ka thuak hangin
Jesuh kei aa ding hi
Ka thum nop loh Topa’n thei hi
Jesuh kei aa ding hi
Ka sum khempeuh ka zang zong in
Leitung sum a sia khin zong in
Ganhing teng a si khin zong in
Jesuh kei aa ding hi.

4
Galte khut sung ka tung zongin
Jesuh kei aa ding hi
Kisiatna in hong um hangin
Jesuh kei aa ding hi
Leitung gal a kido hang in
Ka kha in a kap hang in ah
Topa min tawh ka zo ding hi
Jesuh kei aa ding hi.

1
Jesuh ah deihna teng cing hi
Hinna nuamna van nuai
Nisim in a matha lo in
Ka puk ding a lauhuai
Ka dah ciang Ama kiang ka pai
Mundang bang lo ka mai a taii
Ka dah ciang hong nuamsak
A mah Keima lawm

2
Jesuh ah deihna teng cing hi
Lungkham laitak ka lawm
Thupha deih in Amah zuan leng
A man’n hong pia nawnnawn
Nitang le guahtui hong pia hi
Tuk ciangin an hong la sak hi
Nitang guahtui le an
Hong pia keima lawm

3
Jesuh ah deihna teng cing hi
A tung ka thumaan ding
Kei tungah hong thumaan ka Lawm
Bang ci ka nial zo ding
Amah zui leng ka khial ngei kei
Sun le zan hong cing khial ngei kei
Sun le zan in zui ning
Amah keima lawm

4
Jesuh ah deihna teng cing hi
Lawmpha zaw deih tuan keng
Amah tu-in ke’n ka muang a
Muang lai ding sih mateng
Hih bang lawm tawh nuntak a nuam
Bei ngei lo ding hin’na a nuam
Bei ngei lo nuntakna nuam na
Keimah lawm

1
Jesuh thu ngaihsut laitakin,
Lungdam huai mahmah hi;
Hih sang a mai ka muh ciangin,
Lungdam zaw lai ding hi.

2
Jesuh a kici min sangin,
Min ngaih zaw om lopi;
Vantung leitung ahi zongin,
Kimu zo ngei lo hi.

3
Dahna thuakte’ kihehnepna,
Lung niamkhiatte nuamna;
Thungen a zong mite ading,
Itna lian bel hita.

4
Kam tawh a kigenkhia theilo,
Thupha a ngah uh hi;
A kisim khin zolo itna,
Topa Jesuh thu hi.

5
Topa Jesuh nangmah simloh,
Nuamna dang om nawn lo;
Tu le nung iang a tawntungin,
Komau phat ding om in.

1
Mual tung khuadam lakah, migi tuuing in;
A tuumang a zong hi, ciah pih dingin.

Sakkik
Hon ding zong hi, hon ding zong hi,
A mangte Jesuh’n hon ding zong hi;
Hon ding zong hi, hon ding zong hi,
A mangte Jesuh’n hon ding zong hi.

2
Citakin a zong hi, sum mansuah nu in;
Leivui lak khuamial lak, lungkia lo-in.

3
It tawntung a pa in, nuamna tangko hi;
“A mangthangsa ka ta, hong tungzo hi.”

1
Ke’n ka za hi tua tangthu,
Van pan honpa hong pai na thu,
Kalvary ah sihna hong thuak hi,
Misia kei hong hon hi,
A si hong luankhiat man a,
Tu’n zawhna ka ngah hi.

Sakkik
Zawhna om hi a tawntung,
Ka honpa Jesuh sung,
A si tawh kei mimawh, hong zongin hong lei zo,
Ka theih ma’n hong it zo a,
Ken zong ka etkik thei ta,
Gualzawhna ka ngah nading,
A si sung hong phum ta.

2
A damsak theih thu ka za,
Ama vangliatna langsak a,
Khebaite hoih tak lam paisak hi,
Mittaw khua musak hi,
Tua ciang ka it Jesuh kiang,
Kei hong damsak in ka cih ciang,
Amah ka kiangah hong pai a,
Zawhna a hong pia hi.

3
Van a inn nuam thu ka za,
Topa’n kei a ding bawlzo ta,
Kongzing khempeuh ah khambek kiphah,
Limlang tuipi gal ah,
Vantung mite lasakna,
A hong tatkhiatna thu ka za,
Khatvei ciang ken zong,
Tualai-ah ka sa ding zawhna la.

1
Nungta kikna thupha
Mi siangte kiang tung ta
Midangte kiang min thanna tawh
Na gen ciang ngai nuamsak

Sakkik
Nungta kikna thupha
Na mai khukdin ciangin
Topa aw, hong kumsuk in la,
Thupha bel hong pia in.

2
Nungta kikna thupha
Na minpha thangsak in.
Mihing khempeuh lungsim sung ah
Na itna guang sakin

3
Nungta kikna thupha
thuhilh a pha pia a,
A siangtho na thupha
zak ciang upna na piang sak ta’n

4
Nungta kikna thupha
Kha Siangtho hong guang in
Na minthanna kilangsak in
Ko aa dingin a pha.

1
Topa Jesuh hong hehpihna, Lungdamin la sa un;
Leitung khempeuh a zelh na’ngin, lungdamna ding kum hi

Sakkik
Hong upna, hong gupna, thupha bel hong tung hi;
Hong gumta, hong tum ta, Topa Jesuh Kumpi.

2
Mittawte aw Jesuh en un, Adahte lungdam un;
Jesuh in hong suahtakzo hi, Thong sung omte’n sa un.

3
Hong it manin Jesuh si a, Phat huai lamdang bel hi;
Leitung mite’ nopsak nading, Pasian hong itna hi.

1
Jesuh’ min manpha na la in
Dahna’ gimna’ tate aw
Hehnep nuamna hong pia ding in
Na paina peuhah keng aw

Sakkik
Min manpha, ngaih mahmah
Leitung mite’ lam-etna
Min manpha ngaih mahmah
Vantungah lungdam nuamna.

2
Jesuh’ min na kem tawntung in
Gal namkim kidalna lum
Ze-etna’n hong kimkot ciangin
Amin siangtho suangin thum

3
Jesuh’ min a manpha mahmah
Bangzah i lung hong damsak
Hong saan’ ciang A ma angsung ah
A ma la i sak laitak

4
Lam tawp vantung i tun’ ciangin
Jesuh’ khe ah i bok ding
Kumpi khempeuh tung Kumpi ci’n
Ama mai-ah i bia ding

1
Jesuh in vantung omnapi, leitung ah hong paisuk hi;
Mihingte tawh hong omkhawm a, Cinate cidamsak hi;
Lai Siangtho sungah kithei ta, Ahoih a lianpha bel hi.

2
Khua khempeuh ah pai kawikawi a, mi khempeuh a hehpih hi;
Mihing zawngkhal khempeuhte le, mittaw, khelbai, misite;
Athu in hong damsak kik a, lamdang kisa mahmah hi.

3
Jesuh, leitung a omlai-in, thupha vive a gen hi;
Keimah zong Jesuh ka um a, ka lungdamna piang ding hi;
Ka uplohna Pa Pasian in, phatakin hong bawlpha in.

4
Pasian in thupha hong piakna, Jesuh’ mi kiangah gen hi;
Mihing kim khat in a um a, kim khat in a um kei hi;
A um lote in lungkhamna, Jesuh cih bang piang ding hi.

5
Kei sih tang ding Topa Jesuh, singlamteh tungah si hi;
Ama lawmte in a vui a, ni thum ciang a thokik hi;
Tu’n vantung khua-ah a om a, mi khempeuh a hehpih hi.

1
Jesuh in mawhna hong phelzo,
Hong gum Topa lamdang hi!
Hong tatna a man pia khinzo;
Hong gum Topa lamdang hi!

Sakkik
Jesuh in hong gumpa hi, a lamdang gumpa hi!
Keima Topa Jesuh, a lamdang gumpa hi.

2
Pasian tawh hong kilemsak hi;
Hong gum Topa lamdang hi!
Hong silsiang si ka phat ding hi;
Hong gum Topa lamdang hi!

3
Lungsim sung mawhna a phel hi;
Hong gum Topa lamdang hi!
I lung sungah om a uk hi;
Hong gum Topa lamdang hi!

4
Amah tawh lam ka paikhawm hi;
Hong gum Topa lamdang hi!
Nisimin hong kemsuak ding hi;
Hong gum Topa lamdang hi!

5
Gualzawhna’ng vanliatna hong pia;
Hong gum Topa lamdang hi!
Nisim, naisim zawhna hong pia;
Hong gum Topa lamdang hi!

6
Lungsim khempeuh Amah pia ning;
Hong gum Topa lamdang hi!
Leitung in hong tang kha lo ding;
Hong gum Topa lamdang hi!

1
A siam bel hong damsak thei Pa,
Hong it Topa Jesuh hi;
Dahna hong nopsak’ng inah,
Ahong sapna aw ngai in.

Sakkik
Vantung mi a la sakna,
Leitung mi pha bel cihna;
Sa ni a ngaih mahmah la,
Jesuh pha bel min hi.

2
A hingkik Tuuno vanglian Pa,
Jesuh ke’n ka hong um hi;
Hong gum Topa Na min a pha,
A lian bel ka ci ding hi.

3
Jesuh maitang mu ding inah,
Vantung ka pai toh ciangin;
A hong itna tokhom kiangah,
Phatna la sa tawntung ning.

4
Khialhna, launa teng a beisak,
Topa Jesuh min bek hi;
Ka zak ciang ka lung hong nuamsak,
A manpha Jesuh min hi.

5
Na mawhna a hong phel Topa,
A hong sapna aw ngai i n;
Vantung lam nuamtak zui inla,
Jesuh tawh zawhna ngah in.

1
A mangte hong zongin hong zol ngeungeu,
Mual sang tung a lam a khial mite;
“Keimah hong zuan un” hong cikik leuleu,
Topa’n tuni-in hong sam eite.

Sakkik
Mual sang tunga gamla ah pai ni,
A vak mite lakik ni;
Mawh nei mi tang dinga si Tuuno
I honpa’ tuubuk ah khum in.

2
A mangte zongin Jesuh’ lamlak in,
Thahat lo kha le a na lungsim;
Hotkhiatna lampi sungah makaih in,
Nuntak tawntungna lampi lak in.

3
Tua bangin pai ni thupha nasem mi,
Khazih zui den ni, a ni sialin;
A bah mi lawpsak in, pukmi phong ni,
A mang mi lampi Jesuh lak ni.

1
Aw! Ngai un, a lamdang bel tangthu,
Mangthang mi lakah simsa;
Vantung pan a hong tuaksuk Jesuh,
Haksapi’n hong honkhia hi.

Sakkik
Kua’n a si ding honkhia a hiam?
(Singlamteh tuak Pasian Tapa)
Amah’n bang hih? (Nang tang ding si)
Koi ah om tu’n? (Nang om na’ng mun)
Vantungah hong thumsak hi.

2
Van a asang mahmah vantung mi,
Hong gumzo ding om lo a;
Singlamteh tunga thuaka bek hi,
To thum laka khat Pa hi.

3
Hih lamdang tangthu kizom lai a,
Lungsim le tha lawpsak hi;
Vanah hong thumsak Siampi lian pa,
Amin Jesuh Khazih hi.

4
Honpa khut nuai na kiniamkhiat diam?
Ama’ kiangah kipia-in;
Hong hehpihna thu na thei nai hiam?
Nang hong hon ding hi, tu-in.

1
Hong gum Topa Betlen khua hong suak a,
Bawng an neekna kuang sung kisial zota;
Aw a lamdang nuamna minpha mahmah,
Keimah a hong zong hi.

Sakkik
Keimah a hong zong hi,
Keimah a hong zong hi;
Maw lamdang nuamna a minpha mahmah
Keimah a hong zong hi.

2
Topa Jesuh in singlamteh tungah,
Kei’ mawhna tang dingin si zota;
Maw a lamdang keima lung a damta,
Kei tang ding hong si hi.

3
Topa Jesuh ni dang bangmahin ah,
Huang sung pan lamkhial tuute a zongta;
Sau veipi damtakin a hong sam hi,
Keimah a hong sam hi.

4
Jesuh vantung pan hong pai kik ding hi,
Kum tampi kheng zo hih thu ka um hi;
Van pan hong kumsuk ke’n ka mu ding hi,
Kei a ding hong kum hi.

1
Gupkhiatna thu thangsak nuam sing!
Tuuno si tawh gupkhiat ka hih;
A itna tawh gupkhiatn ka hi,
A tawntung Ama ta ka hi.

Sakkik
Gupkhiat, gupkhiat, gupkhiat, gupkhiat,
Tuuno’ si tawh gupkhiat ka hi;
Gupkhiat, gupkhiat, gupkhiat, gupkhiat
A tawntung, A ma ta ka hi.

2
Gupkhiat ka hi, Jesuh’n hong gum,
Ka lawpna genzo kam om kei;
Ama ompihna khuavak pha,
Kei sung hong tang den ding ka thei.

3
Thupha gumpa ka ngaihsun a,
Ngaihsunsun ing sun niloh in;
Om mawk theilo-in la ka sa,
Hong itna sa ing, la pi in.

4
A bawlsa na khempeuhte in,
Kumpite’ Kumpipa phat in;
Mi tul tampi’n phatin awng hi,
Amah phatna lasa uh hi.

1
Leitung nopnate lunggulh nawn kei i ng,
Sisan hangin launa pan suakta ta’ng;
Singlamteh phungah ka lungsim nga ing,
Jesuh si in vuk bangin hong ngosak zo hi.

Sakkik
Ka it hi, ka it hi,
Amah’n hong it masa,
Kalvary khuam tung gupna hong leisak hi.

2
Mawhna sungah khatvei ka mangthang hi,
Mawhna sila-in ka om khinzo hi;
Pasian ka hehsak ding ka lau ngei hi,
Ahih hang Jesuh si in mawhna teng sil hi.

3
Kol bulhna thuak ngei ha’ng tu’n suakta ing,
Khuamil sung om ngei hang tu’n khuavak mu’ng;
Si ngei zo, hih hang tu’n Khazih sung hing,
Hong piakkhiat kilemna leitung teng ka gen ding.

1
Jesuh tangthu kei hong hilh in,
A thu ka lung sung gelh in;
A manpha tangthu hong gen in,
Zak ngei nai loh thukhum pen.
A suah lai vantung mite sak, la n gaihte hong sak dih in;
Sang belna ah Pasian thang hen,
Leitung kilemna om hen.

Sakkik
Jesuh tangthu kei hong hilh in,
Athu ka lung sung gelh in;
A manpha pen Jesuh tangthu,
Kei hong ciamteh thei sak in.

2
Sehnel gam an ngawnl in om a,
Ahih teng hong gengen in;
Ei mawhna hang ze-etna thuak,
Thuak hang a zawh teiteina.
A thuak kum sung hong gen dih in,
Dahna gimna a puak teng;
Bawlsiat, cilphih a thuakna teng,
Simmawh nilkhiat a thuakna.

3
Singlamteh ah kilh a thuakna,
Na sa’n lunggim a omna;
Han sung guanga, a kicinna,
Sihna pan a hinkikna.

1
Jesuh min bang zahin ngaih hiam,
Ama’ late sasa nuam ing;
Ka lung hong kimsak mahmah hi,
Jesuh A man manpha hi.

Sakkik
‘Jesuh’ bangzah a ngaih min,
‘Jesuh’ Nisimin tuamah;
‘Jesuh’ kici min manpha, phat tek ni,
A tawntung in.

2
Ka lungsim le ka dahna teng,
A theikhin pa’ min ngaih ka sa;
Launa lungmannate beisak,
Jesuh Amin ka it hi.

3
Tua min ngaih ka zaza nuam hi,
Ka lungsim hong nopsak khial kei;
Ama late’n khitui nulsak,
Jesuh Amin thangsak un!

4
Kuamah’n gen thei ngei het lo hi,
Tua ka it min, bangzah’n ngaih hiam;
Aw tua min phatna bek ging hi,
Jesuh A min phat ve un.

1
Hong hehpihna thupha’n, lungsim khauh zo thei hi;
Leitung a it mana, A Tapa hong pia hi.

Sakkik
Kuamah peuhmah in thu-um leh,
Hin tawntungna pha ngah ding hi;
Hin tawntungna pha ngah ding hi.

2
Gamlakah gul kikhai, a noptuam mah bangin;
Topa Jesuh kikhai, nuntak tawntung na’ng hi.

3
Mawh neite sihkik ding, thukhenna i thei hi;
A thu bang zui kei leng, kisia takpi ding hi.

4
Leitung mawhsak dingin, Jesuh hong pai lo hi;
A minthan mah bangin, leitung hong gum ding hi.

5
A um lote hehpih, upna’ng lungsim guan hi;
Thupha bel hong tun’ ve’n, hong umphasak tahen.

1
Kei hong Honpa Asi luangin,
Ka Kumpi hong si maw?
Tangtel bang bek keimah ading,
A lutang hong zang maw?

2
Keima gitlohnate hangin,
Singlamteh tung tau maw?
Lamdang hehpihna le itna,
Bang tawh teh thei ding maw?

3
Kei zong singlamteh ka muh ciang,
Zumin ka kiseel diam;
Lungdamna tawh lungneh no-in,
Ka khi ka luangsak diam.

4
Ahih hang khitui takna in,
Itna lohkhin zo kei;
Topa ka pumpi kong pia hi,
Hih kan ka hih thei kei.

1
Kei hong Honpa Asi luangin,
Ka Kumpi hong si maw?
Tangtel bang bek keimah ading,
A lutang hong zang maw?

Sakkik
Nang tung kong thumaan zawh na’ngin,
Topa kei hong hong huh in;
Kumpi tokhom Na luah ciangin,
Kei hong mangngilh kei in.

2
Keima gitlohnate hangin,
Singlamteh tung tau maw?
Lamdang hehpihna le itna,
Bang tawh teh thei ding maw?

3
Kei zong singlamteh ka muh ciang,
Zumin ka kiseel diam;
Lungdamna tawh lungneh no-in,
Ka khi ka luangsak diam.

4
Ahih hang khitui takna in,
Itna lohkhin zo kei;
Topa ka pumpi kong pia hi,
Hih kan ka hih thei kei.

1
Hong Topa Jesuh tal-ah,
Migitna nuampha tuang;
A lu tung vang liatna khu a,
A muk pan itna luang, A muk pan itna luang,

2
Leitung mi tehpih ding omlo, Amah apha bel hi;
Vantung mi lak ah zong omlo, Amah kilawm bel hi.
Amah kilawm bel hi.

3
Gimna sung ka kiat hong mu-a, hon ding hong delhpah hi;
Kei a’ding singlamteh pua-a, kei dahna kisuan hi,
Kei dahna kisuan hi.

4
Ama hangin kei ka nungta, Nuamna zong A hong pia;
Hong gualzo sak sihna tungah, han sung pan hong honkhia,
Han sung pan hong honkhia.

5
Ama omna vantung khua-ah Kei hong tunpih ding hi;
Pasian phatna hong lak dinga, ka nuamna kim ding hi.
Ka nuamna kim ding hi.

6
Pasian citna le hong itna, hi bang ka theih nungsang;
Lungsim tul nei leng zong, Topa kong pia khin ding hi Nang,
Kong pia khin ding hi Nang.

1
Singlamteh kiangah omna
Kalani mual tung ah
Nuamna hong pia ciktui in
Mi teng aa ding luangta

Sakkik
Singlamteh, Singlamteh
Ka kisak theihna hi
Vantung khua ka tun’ ciang in
A nuam ka ngah na’ng hi

2
Singlamteh kiang ka ding a
Hehpihna’n hong mu a
A taang zingsol aksi in
Ka kiim kot a taang ta

3
Jesuh Singlamteh kiangah
Ngak a kong om ciang ah
Singlamteh a liim nuaiah
Hong gum hong omsak in.

4
Singlamteh kiangah ka om
A thu-um tawntung ning
Gungal khat a kham khua in
Ka tun’ mateng ngak ning.

1
Jesuh singlamteh nuai-ah, keimah ka khawl nuam hi;
Ni a sat phatna gam sungah, Suangpi liim bang ahi;
Gimna le tawlna gam sungah, Tawldamna innpi hi;
Vangik puate’n van khia dinga, A gimte’ khawlna’ng hi.

2
Jesuh singlamteh liim ah, khawlmun nuam pen ahi;
Vantung itna le thu manna, kituahna mun ahi;
Mi siangthote’n a mang sungah, Amuh kahlei bang hi;
Tua sing khuam kei ading hi-a, vantung kahlei ahi.

3
Singlamteh galmuh khop ah, Nilim liap khat om hi;
A lipkhap huai hankhuk hi-a, zai-in thuk mahmah hi;
Tua hankhuk le ei kikalah singlamteh khat om hi;
Singlamteh in lam hong laka, van gam lam hong hilh hi.

4
Jesuh’n singlamteh tungah, kei tang gimna thuak hi;
A thuak gimna ka ngaihsun a, hong itna ka mu hi;
Khitui luang kawm ka lungsim ah, thu nih ka phawk thei hi;
Ka mawhna le a hong itna, hih thute gel ahi.

5
Jesuh’n singlamteh liim mah, keima omna ahi;
Amai vangtang longal van-ah, Nitang kisam lo hi;
Leitung nopsakna le hauhna, ka lunggulh nawn kei hi;
Ka mawhnate zumna hi-a, singlamteh meetna hi.

1
Jesuh singlamteh nuai-ah, keimah ka khawl nuam hi;
Ni a sat phatna gam sungah, Suangpi liim bang ahi;
Gimna le tawlna gam sungah, Tawldamna innpi hi;
Vangik puate’n van khia dinga, A gimte’ khawlna’ng hi.

2
Jesuh singlamteh liim ah, khawlmun nuam pen a hi;
Vantung itna le thu manna, kituahna mun ahi;
Mi siangthote’n a mang sungah, Amuh kahlei bang hi;
Tua sing khuam kei ading hi-a, vantung kahlei ahi.

3
Singlamteh galmuh khop ah, Nilim liap khat om hi;
A lipkhap huai hankhuk hi-a, zai-in thuk mahmah hi;
Tua hankhuk le ei kikalah singlamteh khat om hi;
Singlamteh in lam hong laka, van gam lam hong hilh hi.

4
Jesuh’n singlamteh tungah, kei tang gimna thuak hi;
A thuak gimna ka ngaihsun a, hong itna ka mu hi;
Khitui luang kawm ka lungsim ah, thu nih ka phawk thei hi;
Ka mawhna le a hong itna, hih thute gel ahi.

5
Jesuh’n singlamteh liim mah, keima omna ahi;
Amai vangtang longal van-ah, Nitang kisam lo hi;
Leitung nopsakna le hauhna, ka lunggulh nawn kei hi;
Ka mawhnate zumna hi-a, singlamteh meetna hi.

1
Ka lungsim hong tuam khuamial zing mahmah a,
Hong Honpa thuak dahna lian lua a;
A thupha khuavak in kei hong taan ciangin,
Khuamialna bei-in khua hong vakta.

Sakkik
Kei ading Kalvary lam tawntungah pai,
Kei ading pai, kei ading pai,
Kei ading Kalvary lam tawntungah pai,
Kei suahtak na’ng si hi.

2
Mawh nei kei mah liingin Amai ka kun hi,
Mawh mai hehpihna ka theihloh pi;
Aw khum takin hong ci, “Dah peuhmah kei in,
Na mawhna leiba kong lohsak khin.”

3
Honpa hong lah itna lamdang mahmah a,
Tokhom nusia’n Kalvary zuanta;
Amah bek in sisan luangin hong tan hi,
A min pahtawi-in thangsak ve ni.

1
Keima ading sihna athuak, Khuapi pualam oma;
Jesuh singlamteh na om hi, gamla mualpi tungah.

Sakkik
Amah’n phatakpi hong it hi,
Amah i it kik hi;
A hong gum thei asi um in,
Ama na i sem ding.

2
Amah in gimna a thuakna, i theizo kei ding hi;
Ahih hang komau tang dingin, Amah in a thuak hi.

3
Eite kiphelna ngah dingin, Amah in a si hi;
Asi pha tawh sawp saing manin, vantung i tung ding hi.

4
Khialhna man piak nading inah,
Midang siangtho lo hi;
Amah bek in vantung khua-ah, a hong lutsak thei hi.

1
Leitung mawhna pulak dingin,
A sipha minthang mahmah hi;
Pasian Tpa pha bel Jesuh,
A liam manin i damta hi.
Tuukhum tawh i gamlat hangin,
Lam khial a gimna thuak hangin;
Vuk sang ka ngosak nadingin,
Tuuno si tawh hong sawp siang in.

Sakik
Vuk sang ngozaw hi, Vuk sang ngozaw hi;
Tuuno si tawh hong sawp siang leh,
Vuk sangin ka ngozaw ding hi.

2
Ling tawh kigan lukhu khu a,
Singlamteh gik Topa’n pua hi;
Gimna dahnate thuak zota,
Ahih hang mawkna hilo hi.
Leitung i mawh hong sawpsak ding,
Asi phualah ei hong la-in;
Vuk sang ka ngo zawk nadingin,
Tuuno si tawh hong sawp siang in.

3
Pa aw, ke’n lam ka khialzo hi,
Ka lungsim tamvei mawhzo hi;
Ka mawhna in si bang san a,
Tui in kisawp siang zolo hi.
Keimah in na thuciam um leng,
Na si buakna munah pai ning;
Vuk sang ka ngo zawk nadingin,
Tuuno si tawh hong sawp siang in.

1
Vanglian Kumpipa hong sihna,
A singlamteh ke’n velvel leng
Kei’ hauhna kei kiphat sakna,
Ke’n tu’n bangmah in sim nawn keng

2
Khazih ka Pasian sihna lo,
Kisialhpih ding bangmah om kei;
Ka deih bel teng khat zong siit lo,
Ama’ si khekna in ka nei.

3
En ven, a lu a khut, akhe,
Dahna, itna hong luang suk khawm;
Na mu ngei maw linglukhu le,
Itna, dahna gawm kilawm khawm.

4
Leitung khempeuh pia thei hileng,
Tamlua ka ci ngei kei ding hi;
A hong itna ke’n ngaihsun leng,’
Ka pum ka tak ka pia nuam hi.

1
Vanglian Kumpipa hong sihna,
A singlamteh ke’n velvel leng
Kei’ hauhna kei kiphatsakna,
Ke’n tu’n bangmah in sim nawn keng

2
Khazih ka Pasian sihna lo,
Kisialh pih ding bangmah om kei;
Ka deih bel teng khat zong siit lo,
Ama’ si khek na in ka nei.

3
En ven, a lu a khut, a khe,
Dahna, itna hong luang suk khawm;
Na mu ngei maw linglukhu le,
Itna, dahna gawm kilawm khawm.

4
Leitung khempeuh pia thei hileng,
Tamlua ka ci ngei kei ding hi;
A hong itna ke’n ngaihsun leng,’
Ka pum ka tak ka pia nuam hi.

1
Kalvary ah Jesuh a si,
Hong gum Topa, tua kithat hi;
Tua khuam tungah, a si bua hi,
Mawh phelna’ngin a hong lei hi.

Sakkik
Aw Kalvary, aw Kalvary,
Topa Jesuh’n sihna thuak hi,
Aw Kalvary, aw Kalvary,
Hong gum Topa kei ading si.

2
Suangpi kitam khua hong mial hi,
Hong gum Topa, lusu’n si hi;
A kiliahna puan kikeek a,
Vantung nopna, hong musak ta.

3
Topa Jesuh, bangci a hiam,
Topa nang in hihna nong pia;
Singlamteh pua haksa thuak hi,
Launa sungah Kalvary ah

1
Ka kumpi na hi ta tu’n Nang
Vangliatna teng tang in
Lingna khuk ka mangngilh loh na’ng
Kalvary ah hong kha in.

Sakkik
Getsemani mangngilh loh na’ng
Na thuakna mangngilh loh na’ng
Nong itna ka mangngilh loh na’ng
Kalvary hong kha in.

2
Na kisial na han hong lak in
Nangmah hong ki kah na
Vantung mite’n puanpak silh in
Nangmah a hong cinna.

3
Mary bang phalvak tung in ah
Pak namtui puak ding in
Hong paipih in Kalvary ah
Na han hawm hong lak in.

4
Nangma’ ading ken puanuam ing
Singlamteh ni sim in
Na dahna hong thuakpih nuam ing
Kei a’ ding Nang thuak khin.

1
A neu a lian kua cilo, mawh, mawh lo ci lo;
Jesuh’n vekpi ading khin, sawtpi pek in-ah.

Sakkik
A zozo hi! Takpi hi, vekpi’n zokhin hi;
Hih hi, mawh neite i sap, mawhna pulak ding.

2
Sang pen a tokhom tung pan, kum in hong sih ciang;
Na khempeuh a vekin zo, A aw ngai dih un.

3
Lunggim van pua nasemte’n, koi-ah sem na hiam?
Khawl dih in Amah’n zozo, sawtpi pek inah.

4
Na vangikpi teng khia in, Jesuh khe kiang khia’n;
Amah bekbek kiang ding in, Na khempeuh cinkhin.

5
Jesuh nasepsa muang in, na up theih mateng;
Hanciamna in kimanglo, sihna hong tunzaw.

1
Judah mite biakna, ganhing pawlpawl ahi;
Mawhna hong phel i lungdamna,
Neukha bek piangsak kei.

2
Tuuno Khazih inah, tua biakna sang phazaw;
A si a manpha ahi a, mawhna phel theita hi.

3
Upna tawh ka khutte, Nangma lamah kong laam;
Mawhna khempeuh ka kisik hi,
Ka hong thum hi Topa.

4
Singlamteh na tungah, Nangmah’n na thuak gimna,
Kei in ka lungngaih cianginah,
Na hong it ka theita.

5
Biakna vantung Tuuno, A umte nopsakna;
Ke’n um a ka biak ka nuamzo,
Ka phat ding a itna.

1
Sing Lamteh tung aa Jesuh en in
Nang aa ding leh kei aa ding hong si
Ngai in it-na’n A kiang hong sap lai
En in, hing ta in.

Sakkik
En in hing ta in, En in hing ta in;
Nang aa ding sing tung sihna en in
En in hing ta in.

2
Na mawh van gik kha hong gum ding hiam
Nun’ tak tawn tung na na nei ding maw
Jesuh bek in hong hon zo thei hi
En in hing ta in

3
Han pan a tho Jesuh en le ci’n
Man lang in inn dei sung om lai in
A mai nuam in hong lung dam sak ding
En in hing ta in

4
Jesuh’n van nun’ nuam hong bawl sak hi
Lung kham mawh nei mi’ sapna hong thei
Napai na peuhah hong kha ding hi
En in hing ta in

1
Itna siangtho, Itna kicing
Vantung nuamna hong tuak suk
Nong hehpihna tung khup na ding
Ko sung hong lamin Na buk
Jesuh aw hehpihna Na dim
Itna Siang kicing Na hi
Lawp a liing ko khempeuh lung sim
Hotna tawh Nong veh ding hi

2
Lung himawh mi’ lungsim sungah
It na Nangma Kha guan’ in
Ko te khempeuh Nangma sungah
Tawldam na hong luahsak in
Ko mawh nopna lungsim pai khia’n
Alpha le Omega in upna pan a cingsak Pasian
Ko lungsim hong khah khia in

3
Hong pai in, a hon zo pen Pa
Nang’ nuntakna hong guan’ in
Na innah hong tum meng in la
Pai khia nawn peuhmah kei in
Thupha kong piapia ding uh a
Na’na ka sem ding uh hi
Na itna sung ah kipak ta
Tawlnga lo kong phat ding hi

1
Jesuh in kei mah hong it-na,
Kei mah hong tatna dingin ah;
Singlamteh gilo hong thuakna,
Kam a genzawh hilo.

Sakkik
Hong itna kam agenzawh hilo,
Hong itna kam agenzawh hilo,
Jesuh in keimah hong itna,
Kam agenzawh hilo.

2
Ka nuntak tawntung na’ng in ah,
Nakpi dah na A hong thuakna,
Lingki phan lukhu hong khukna,
Kam a genzawh hilo.

3
Pasian kiang hong thumsak TOPA,
Ama sung ka ngah lungnop na,
Ama si hang hong piang thupha,
Kam a genzawh hilo.

4
Hong nai ciang ka ngah lungdamna,
Launa kihel lo tawldamna,
Ama hang lametna apha,
Kam a genzawh hilo.

1
Sihkhuk adim in kihong a
Sisan tuibangh luang hi
Tua si tawh kiphum mawhnei te
Mawhna tawh kipelh hi
(Mawhna tawh kipelh hi)2
Tua si tawh kiphum mawhnei te
Mawhna tawh kipelh hi

2
A si mimawh pan tua sihkhuk
Amuh ciang a nuam a
Hih mibangh ka gitloh hang in
Mawhna kiphel thei ta
(Mawhna kiphel theita)2
Hih mibangh ka gitloh hang in
Mawhna kiphel thei ta

3
A liamma ah hong luang sipha
Upna kamuh man in
Hongphel nading itna lapha
Ka sih mateng sa ning
(Ka sih mateng sa ning)2
Hong phel nading itna lapha
Ka sih mateng sa ning

4
Nung ciang hih a gik i pumteng
Sihhan sung omlai in
Topa hong phel lungdamna teng
Vantung ah lasa ning
(Vantung ah lasa ning)2
Topa hong phel lungdamna teng
Vantung ah lasa ning

5
It huai Tuuno Na si manpha
Bei hun nei ngeilo ding
Gupna ngah miteng kikhawm ding
Mawh ngei nawnlo ding hi
(Mawh ngei nawnlo ding hi)2
Gupna ngah miteng kikhawm ding
Mawh ngei nawnlo ding hi

1
Gamla pi mual tungah
Singlamteh tul gemgam
Gen theih mai zum na lim a hi
Tua khuampi ka it hi
Leitung bup pi tan ding
A it huai pen pa hong sih na hi

Sakkik
Tua singlamteh ken ngilh ngei kei ning
Zawhna minpha ka tut zawh mateng
Tua singlamteh khah lo lenlen ning
Kham lukhu ka khekna ni mateng

2
Mi in tua singlamteh a thusim loh hangin,
Ke’n ka phawk tawntungna thu hi
Pasian Tuuno in vantung nopna nu sia hi
Kalani mual tua pua ding in

3
Ka mawhna hong mai sak
Hong siangtho sak ding in
Si san luang in Jesuh hong si hi
Pasian Tapa si san siangtho a hong baan’ na
Tua singlamteh ka velvel nuam hi

4
Tua singlamteh khuampi
Ke’n nusia ngei kei ning
Taina, zumna ka thuakpih hangin
Tua hi leh khatvei ciang
Hong sam ding a inn ah
Amah tawh a min thang khawm ding in

1
Singlamteh ka kipakna hi,
Hunsia khempeuh zawhna hi;
Siangtho tangthu khempeuhte’ vang,
Jesuh’ singlamteh kiim tang.

2
Nuntak dahna’n hong phak ciangin,
Lawpna’n hong khem, lau ciangin;
Singlamteh’n hong khem ngeilo hi,
Lungnop nuamna hong pia hi.

3
Lungdamna ni hong taan ciangin,
Itna khuavak taan ciangin;
Singlamteh vang taang in ka ni,
Hong tangphasak semlai hi.

4
Thusia thupha natna nopna,
Singlamteh in siansuah a,
Lungnopna tehzawh loh om hi,
Tua nuamna kip tawntung hi.

1
Man-pha si tawntung manpha si,
Tu'n kei a'-ding manpha,
Tua si ha'ng bek ka kha tawldam,
Dahna teng bei sak hi

Sakkik
Aw! Lamdang hi tua sisan luang,
Gumpa’ pang pan phulkhia,
Vantung dong ah la in sa ning,
A man-pha bel si-san

2
"Mangngilh ngei nawn peuhmah kei ning"
Zuau lo Pasian in ci,
"Note' mawhna khialhna tang in,
Ka ta' sisan ka bua"

3
Mawhna ka bawl tampi ka thei
Maizo diam tua zahpi
A hih hang manpha si'n sawp hi
Mawhna teng pua khia hi

4
A cimawh lungsim le pumpi,
Si ding a lum zong in
Lungnuam takin kei ka si ding,
Tua manpha sisan hang

1
En un, mawhna khempeuh a puakhia Pa,
Sihna Kalvary mual tungah,
Singlamteh tunggim na sihna thuak in,
Kei a’ dingin a sisan hong luang

Sakkik
Hong gum Topa pang pan in-ah,
Sisan le tui hong luang khia hi;
Ka lung sungah om tawntung hik,
Mawhna kisawp siang zo.

2
Mawhna sawpsiang na’ng tui a hong luangzo hi,
Hong Gum Topa sih na mun pan;
A tawntungin tua tui ah kisil in,
Hong Gum Topa kiang zuan in pai ni

3
Tua si sungah a kisil khempeuh te,
A mawhna teng vuk bang ngo ding;
Na mawhna khempeuh uh hong maisak ding;
Ka kiang hong pai un, Topa’n hong ci.

4
Mawhna sungah ka paikik nawnkei ding,
Jesuh’n kei hong suak ta sak ding;
A Kha Siangtho in kei hong pi ding a,
A gamsung ah hong lutpih ding hi.

1
En in thuk in a zai tuikhuk,
A luang tawntung tuikhuk;
Vang nih panin hong luang khia-a,
Vuk bang hong ngosak ding,
Vuk bang hong ngosak ding.

Sakkik
Hong pai un tuikhuk hong luang hi, tu ni’n,
Hong pai khempeuh man ngen lo in,
Na mawh hong sawp sak ding.

2
Kalvary khuam tungah Lung kham,
Natna thuak in hong si, Lamdang sisan guntui hong luang,
Vuk bang hong ngosak ding, Vuk bang hong ngosak ding.

3
Mi khempeuh damna ding hong luang,
Tua thupha tuikhuk pan! Upna tawh A si sung bual leng,
Vuk bang hong ngosak ding, Vuk bang hong ngosak ding.

4
Lungdamna thupha na zak ciang, Hong pai in, ci’n hong sam,
Upna tawh A si sung bual leng,
Vuk bang hong ngosak ding, Vuk bang hong ngosak ding.

1
Na mawh vangik pan na suak ta ding hiam?
Si sung, si sung vang liatna om hi; Siat na tungah nangna gualzo ding hiam?
Si sung vanglian lam dang om hi.

Sakkik
Si sung vanglian (A vanglian)
Vanglian lamdang om,
Tuunosi (Tuuno si) san sungah ( San sungah)
Si sung vanglian (vanglian) vanglian lam dangom,
Amanpha Tuuno si sungah.

2
Kiphat sakna pan na suakta ding hiam?
Si sung, si sung vangliatna om hi;
Siangtho ngah ding Kalvary tui zuan in,
Si sung vanglian lamdang om hi.

3
Vuk sangin na pak zaw mahmah ding hiam?
Si sung, si sung vangliat na om hi;
Nuntak na tui sung mawh na ninsiang ta,
Si sung vanglian lamdang om hi.

4
Na Kumpi Jesuh’na na sem ding hiam?
Si sung, si sung vangliatna om hi;
Nisim Amah phat na na sa ding hiam?
Si sung vanglian lamdang om hi.

1
Kumpipa lukhu ngahna ding, Pasian’ Tapa’n do ding;
A dialkhaina kilak ding hi, A nung kua in zui hiam?
Dahna a thuak hang thuum lo-in, gimna a zo thei mi;
Leitung singlamteh puate in, Anung a zui uh hi.

2
Bawlsiat thuak pen nungzui khat in, han galkaht mu thei hi;
Topa vantung khua ah mu a, ‘Hong gum in’ ci’n ngen hi.
Topa’ sih laitak a galte, a mawhna a phel bang;
A thatte ading thungen ta, Ama nung kua’n zui hiam?

3
A teelsa sawm le nih tungah, Kha Siangtho hong tung hi;
Amau upna a liat manin, Pasian in a gum hi.
Bawlsiatna tampi thuak taleh, sahang kihta lo hi;
Sihna thuak ding lu a su hi, Amau nung kua’n zui hiam?

4
Mi siangthote tampi tangval, nungak le nu le pa;
Puanpak silhin Jesuh mai-ah, lungdamna la hong sa.
Launa, nasepna, gimna in vantung lam kahto hi;
Topa amau nungzuihna ding, Ko mau Nong huh ding hi.

1
Topa kiang pan thu hong tung, Hallelujah!
Ke’n nang kiang kong puak sawn ding hi;
Kigelhzo A kammal sung, Hallelujah!
En a, na hin ziau ding bek ahi.

Sakkik
En in, hing in sanggam aw,
Topa Jesuh en in tuni;
Kigelhzo A Kammal sung, Hallelujah!
En a na hin ziau ding bek ahi.

2
Itna thupha ka neita, Hallelujah!
Nang kong genloh ding hi thei kei;
Van pan hong kipuaksuk ta, Hallelujah!
Jesuh’n gen hi thuman hi ka thei.

3
Nunna nang hong kipiazo, Hallelujah!
Tawntung nunna na ngah ding hi;
Jesuh lo et ding om lo, Hallelujah!
Nangmah hong hon thei Jesuh bek hi.

1
Ka biak ahingkik Honpa tu’n leitungah om a,
Mite’n bangbang genta leh, Ahin lam ka thei ta;
Hong hehpihna ka thei a, A aw ka zaza hi,
Amah ka kisap laitak hongnai den hi.

Sakkik
Hing hi, hing hi, tuni’n Honpa hing hi,
Hong tonpih a, hong hopih hi,
Ka paina khempeuh ah, hing hi, hing hi,
Mihing honkhia Pa hi,
Bangci theih na hiam nong cih leh,
Ka lung sungah hing hi.

2
Ka kiim ka paam leitung teng A hong itna dima,
Lungman launa ka tuah ciang, A ang sung ka beel a;
Huihpi nun ciang A khut in kei hong len gige hi,
Amah hong kilat ding ni, hong tung ding hi.

3
Nuam un, nuam un! Jesuh’ mi, sa un lungdamna la,
Hallelujah ci unla, phat un Khris kumpipa;
Amah a zongte’ muanpa a gimte Huhpa hi,
Tua bang itna lian a nei mi om lo hi.

1
I Topa hong thawhkik ni, lungdam paisan pawipi;
Pasian paisan pawipi in, sihna pan hinna hi.
Leitung aw, genkhia dih in, lei pan vantung dong ah;
Gualzawh lungdamna la tawh, Jesuh’n hong tunpih ta.

2
Amanin i muh theih na’ng, i lungsim siangsak ni;
Jesuh’n thawhkikna khuavak, hong tangsak khinta hi.
Ama thugen ngai le hang, teltakin i thei ding;
A kiphatna awgingte, teltakin i za ding.

3
Vantungte lungdam hen la, leitung in lasa hen;
Leitung le a sunga te’n, gualzawhna gen uh hen.
Muh theih muh mawh khempeuh in, aw kikhat-in gen hi;
Jesuh thokik khinta a, kilungdam tawntung hi.

1
Jesuh hingkik hi tuni, Hallelujah!
Nuamna pha hi, lungdam un, Hallelujah!
Singlamteh tung sizo hi, Hallelujah!
A mite hong teelzo hi, Hallelujah!

2
Van-ah i Topa Kumpi, Hallelujah!
Amin phat in la sa ni, Hallelujah!
Mawh neite a phel na’ngin, Hallelujah!
Si in han-ah kivui hi, Hallelujah!

3
Gimna a na thuak manin, Hallelujah!
Eimah hong gumkhin zo hi, Hallelujah!
Van pan hong uk tawntung hi, Hallelujah!
La sa tawntung vantung mi’n, Hallelujah!

4
Minthang Kumpi hingkik zo, Hallelujah!
Sihna na gu koi-ah om? Hallelujah!
Khatvei si in hong gumzo, Hallelujah!
Hankhuk na zawhna koi om?

5
Minthang Kumpi Kha Kumpi, Hallelujah!
Nuntak tawntungna Na hi, Hallelujah!
Nangmah theihna Vangliatna, Hallelujah!
Nangmah phatna, kong itna, Hallelujah!s

1
Han thuk sung ah lum hi
Kei Honpa Zeisuh
A ni tunding ngak hi
Kei To Zeisuh’n

Sakkik
Han sung pan hong thoto zo (Tho to zo)
Vanglian pi tawh gal te zo gawp zo
Khuamial gampan galzo in hong tho to hi
A misiang te manpih ding hing kik zo hi
Hing kikzo, Hing kikzo
Halleluijah hing kik zo

2
Cin’ hangin mawkna hi
Hong Hon Zeisuh han
Ciamteh hang mawkna hi
Kei To Zeisuh’n

3
Sihna’n len zolo hi
Hong Honpa Zeisuh
Dalna te sugawp hi
Kei To Zeisu’n

1
Ka thei hi, kei hong Tanpa hing hi
Leitung ah hong pai kik ding hi
Ka thei hi, nuntakna hong pia
Hehpihna vang a khut sung om

Sakkik
Ka thei ka thei To Zeisuh hing hi
Leitung ah hong paikik ding hi
Ka thei ka thei nuntakna hongpia
Hehpihna vaang a khut sung om

2
Ka thei hi, hong thuciam peel ngei kei
A gensa thu bei ngeilo ding
A gilo sihna pan ka suakta
Amah muding nungciang in ah

3
Ka thei hi, ka om nang mun bawlkhol
A omna peuh kei zong om ning
Alamdang Amah’n kei hong kem hi
Kei a dingin hongpai kik ding

1
Na min a thang hi, A thokik Topa;
Na gualzo tawntung hi, sihna zo Topa.
Vantung mi siangthote’n, Suangi lemkhia zo;
Na puante a maute’n, limtakin kemzo

Sakkik
Na min a thang hi, A thokik Topa;
Na gualzo tawntung hi, Sihna zo Topa.

2
Han sung pan a tho, Jesuh’n hong muak hi;
Itna tawh hong dawnzo, launa beita hi.
A pawlpite nuamin, zawhna lapi sa;
Topa hingkik tu-in, sihna gu beita.

3
Kong muang lah nawn kei, hinna Kumpipa;
Nang lo hinna om kei, hong huh in Topa.
Tulmawh nong itna in, hong gualzo sak den;
Jordan gungal kai-in Na inn hong tun hen.

1
Deihna khempeuh a kicinna,
Lawmpha Jesuh nei ing.
Kei ading tul sawm tul-then sang hoih zaw hi;
Zangkuam unok paak zah a hoih,
Amah bek ken mu ingh,
Dam na’ng sian na’ng,
Ka deih teng a sung om hi.

Sakkik
Dah hun ciang hong hehnem in haksat ciang bukna hi.
Na vangik khempeuh hong suan in hong ci.
Amah zangkuam unok pak hi
A taang zingsol zong hi,
Kei ading tulsawm tulthen sang hoihzaw hi.

2
Ka lungkhamna teng la khia in,
Dahna hong puak sak a,
Ze-et hun ciang a muanhuai ka tau sang hi.
Upana sia sak theina khempeuh,
Ken tun ka nusia ta,
Ka sung pan a vangliatna tawh hong kem hi.

Sakkik
Leitung in kei hong nial in, Satan in hong do hang
Jesuh hangin ka ma ka tun ding hi.
Amah zangkuam unok pak hi
A taang zingsol zong hi,
Kei a ding tulsawm tul-then sang hoih zaw hi.

3
Aman hong nusia ngeilo ding, zong hong nial ngeilo ding,
Amah um in A deihna bang ta peuh leng,
Kei tung ah bangbang piang ta leh,
Lau nawn peuhmah kei ning,
Man-na tawh ka kha hong vak ding nuam lua veng

Sakkik
Minthang gam zuan in leeng ning, Topa ka mu ding hi,
Lung nopna guntui a luanna mun hi.
Amah zangkuam unok pak hi
A taang zingsol zong hi,
Kei a ding tulsawm tul-then sang hoih zaw hi.